بنگال، آسام، کیرالہ، تمل ناڈو اور پڈوچیری اسمبلی انتخابات کی تاریخوں کا ہوا اعلان، 2 مئی کو آئے گا ریزلٹ

بنگال، آسام، کیرالہ، تمل ناڈو اور پڈوچیری اسمبلی انتخابات کی تاریخوں کا ہوا اعلان، 2 مئی کو آئے گا ریزلٹ

کیرالہ کی 140 نشستوں کے لیے اسمبلی انتخابات الیکشن کمیشن آف انڈیا نے ایک مرحلہ میں کرنے کا فیصلہ لیا ہے۔ الیکشن کمشنر سنیل اروڑا نے بتایا کہ 6 اپریل کو ایک مرحلہ میں کیرالہ اسمبلی انتخابات کے پیش نظر ووٹنگ کا عمل انجام پائے گا۔

الیکشن کمشنر سنیل اروڑا نے اعلان کیا ہے کہ آسام میں اسمبلی انتخابات تین مراحل میں ہوں گے۔ پہلے مرحلے کے لیے پولنگ 27 مارچ کو، دوسرے مرحلے کی پولنگ یکم اپریل کو اور تیسرے مرحلے کی پولنگ 6 اپریل کو ہوگی۔ ووٹوں کی گنتی 2 مئی کو کی جائے گی۔

یکم مئی سے قبل ختم ہوں گے 5 ریاستوں میں اسمبلی انتخابات

چیف الیکشن کمشنر سنیل اروڑا 4 ریاستوں مغربی بنگال، آسام، تمل ناڈو، کیرالہ اور مرکز کے زیر انتظام علاقہ پڈوچیری میں اسمبلی انتخابات کی تاریخوں کا اعلان کر رہے ہیں۔ پریس کانفرنس میں انھوں نے بتایا کہ سبھی علاقوں میں اسمبلی انتخابات یکم مئی سے قبل مکمل کر لیے جائیں گے۔ یہ فیصلہ اس لیے لیا گیا ہے کیونکہ بورڈ کے امتحانات ہونے والے ہیں۔ چیف الیکشن کمشنر نے یہ بھی بتایا کہ کئی طرح کے تہوار بھی ہونے والے ہیں جس کو دیکھتے ہوئے یکم مئی سے قبل انتخابات مکمل کرانے کا فیصلہ لیا گیا ہے۔

Comments: 0

Your email address will not be published. Required fields are marked with *