ٹرمپ حامیوں نے کیپٹل ہل میں توڑ پھوڑ کی اور سینیٹروں کو باہر کر پوری بلڈنگ پر قبضہ کر لیا۔ لیکن اس واقعہ کے دوران کا ایک ایسا ویڈیو سامنے آیا ہے جو ہندوستان کے لیے حیرت انگیز ہے۔
امریکی صدر ڈونالڈ ٹرمپ انتخاب میں ملی شکست کو اب تک ہضم نہیں کر پائے ہیں۔ یہی وجہ ہے کہ امریکہ آج تشدد کی آگ میں جل رہا ہے۔ ڈونالڈ ٹرمپ کے ہزاروں حامیوں نے واشنگٹن کیپٹل ہل میں گھس کر زبردست ہنگامہ کیا۔ ٹرمپ حامیوں نے کیپٹل ہل میں توڑ پھوڑ کی اور سنیٹروں کو باہر کر پوری بلڈنگ پر قبضہ کر لیا۔ لیکن اس واقعہ کے دوران ایک ایسا ویڈیو سامنے آیا جو ہندوستان کے لیے حیران کرنے والا ہے۔ دراصل بی جے پی رکن پارلیمنٹ ورون گاندھی نے ایک ویڈیو اپنے ٹوئٹر ہینڈل سے پوسٹ کیا ہے جس میں مظاہرین کے درمیان ہندوستان کا بھی ایک جھنڈا لہراتا نظر آ رہا ہے۔ اس پر ورون گاندھی نے سوال اٹھایا ہے۔
ورون گاندھی نے واشنگٹن میں مظاہرین کے درمیان ہندوستان کا پرچم لہراتا نظر آنے پر فکر کا اظہار کرتے ہوئے سوال کیا ہے کہ آخر وہاں ہندوستانی پرچم کیوں ہے؟ انھوں نے کہا کہ اس لڑائی میں ہمیں بالکل بھی شریک ہونے کی ضرورت نہیں ہے۔ انھوں نے اپنے ٹوئٹ میں لکھا ہے ’’وہاں ہندوستانی پرچم کیوں ہے؟ یہ ایک ایسی لڑائی ہے جس میں ہمیں قطعاً حصہ لینے کی ضرورت نہیں ہے۔‘‘
Why is there an Indian flag there??? This is one fight we definitely don’t need to participate in… pic.twitter.com/1dP2KtgHvf
— Varun Gandhi (@varungandhi80) January 7, 2021
واضح رہے کہ امریکہ کے موجودہ صدر ڈونالڈ ٹرمپ کے ہزاروں حامی امریکی کیپٹل میں گھس گئے اور پولس کے ساتھ ان کا تصادم ہو گیا۔ اس واقعہ میں چار لوگوں کی موت ہوئی اور کئی لوگ سنگین طور پر زخمی بھی ہوئے۔ ساتھ ہی نئے صدر کے طور پر جو بائڈن کے نام پر مہر لگانے کا آئینی عمل بھی متاثر ہوا۔