برسلز (ملت ٹائمزایجنسیاں)
یورپی یونین نے لاطینی امریکی ملک وینزویلا کے خلاف پابندیاں عائد کرنے پر اتفاق کر لیا ہے۔
غیر ملکی میڈیا کے مطابق ان پابندیوں کا مقصد وینزویلا کے صدر نکولس مادورو کو اپوزیشن کے ساتھ مذاکرات پر مجبور کرنا ہے۔ اطلاعات ہیں کہ پہلے مرحلے میں وینزویلا حکومت کو ہتھیاروں اور جاسوسی کے آلات کی فراہمی معطل کی جائے گی۔ بتایا گیا ہے کہ حکومت ان ہتھیاروں اور آلات کا استعمال اپوزیشن کے خلاف کر رہی ہے۔واضح رہے کہ 12نومبر بروز(پیر)یورپی وزرائے خارجہ ان پابندیوں کو حتمی شکل دے دیں گے۔
