احمد آباد: یکم دسمبر ( پریس ریلیز) آج بروز جمعہ قبل نماز جمعہ احمد آباد کی تاریخی چھ سو سالہ قدیم مسجد دائی حلیمہ میں جمعیۃ علماء ہند کے سیکریٹری مولانا حکیم الدین قاسمی نے اپنے طویل خطاب میں سیرت رسول اکرم صلی اللہ علیہ وسلم کے اہم گوشوں کو اجاگر کرتے ہوئے کہا کہ نبی پاک صل اللہ علیہ وسلم کی زندگی کے اسوہ کو صرف بیانات اور تقریروں کی حد تک نہ رکھا جائے نہ ہی صرف کسی متعینہ دن و مہینے تک کے لئے محدود کیا جائے بلکہ ہر مسلمان کو اپنی زندگی کے ہر ہر شعبے میں اور ہر عمل میں اسے اپنانا چاہئے، موصوف نے اپنی تقریر میں اسوہ رسول اکرم صلی اللہ علیہ و سلم کی روشنی میں غیر مسلموں کے ساتھ میل جول اور تعلقات کو انسانیت کی بنیاد پر اسلامی تعلیمات کے دائرے میں رہتے ہوئے استوار کرنے اور بڑھانے کی ترغیب دیتے ہوئے اس ملک کی ترقی واستحکام کے لئے ضروری قرار دیا اور کہا کہ نفرت اور تشدد کا جواب پیار و محبت سے دینے کی ضرورت ہے ہم اگر اس فلسفے کو مضبوط کریں گے تو اس سے ملک میں امن و امان اور پیار و محبت کا ماحول بنے گا اور سب کی ترقی ہوگی،، موصوف نے نماز جمعہ کے بعد مجلس نکاح کے انعقاد کی مناسبت سے فرمایا کہ رسول اکرم صلی اللہ علیہ وسلم کی ازدواجی زندگی میں بھی ہمارے لئے تمام مسائل کا حل موجود ہئے ہمیں کہیں اور دیکھنے سمجھنے اور جانے کی ضرورت نہیں ہے،، شریعت اسلامیہ و سنت نبوی علیہ الصلاۃ والسلام کو مضبوط و مستحکم کرنے میں ہماری دونوں جہان کی کامیابی مضمر ہئے، واضح رہے کہ جمعیۃ علماء ہند کے صوبہ گجرات کے جواں سال کارکن محمد شعیب بھاگلیہ کا اس قدیم تاریخی مسجد میں بعد نماز جمعہ عقد مسنونہ عمل میں آیا جس میں صوبہ گجرات کے ذمہ داران بشمول صوبائی ناظم اعلی پروفیسر نثار احمد انصاری جمعیۃ علماء ہند کے آرگنائزر س مولانا علیم الدین اجمیری، مولانا ابوالحسن سیوانی، حافظ بشیر احمد پرتابگڈھی، مولانا شفیق احمد القاسمی مالیگانوی وغیرہ بھی شریک ہوئے، بعد نماز جمعہ متصلاً مولانا مفتی نثار احمد فلاحی مفتی گودھرا نے خطبہ نکاح کی خواندگی کے بعد ایجاب و قبول کرایا ،،
