دیوبند میں غیر قانونی طریقہ سے رہ رہے پانچ بنگلہ دیشی افراد گرفتار، پولیس اور انٹلی جنس ٹیم کی کارروائی

گرفتار سبھی ملزمین کو فارن ایکٹ کے تحت جیل بھیج دیا گیا ہے۔ ملزمان کے نام رفیق الاسلام ، احمد عرف عبداللہ ، منیر الزمان ، اسلام اور محمّد منہاج ہے 

دیوبند: دیوبند پولیس اور انٹلیجنس ٹیم نے دیوبند میں غیر قانونی طریقہ سے چھپ کر رہ رہے  5 بنگلہ دیشی شہریوں کو گرفتار کیا ہے ۔ پولیس کے مطابق گرفتار بنگلہ دیشی افراد طویل عرصے سے دیوبند میں اپنی شناخت چھپا کر رہ رہے تھے اور کاروبار کر رہے تھے . پولیس کے مطابق گرفتار بنگلہ دیشیوں کا تعلق بنگلہ دیش کے الگ الگ شہروں سے ہے جو بغیر پاسپورٹ اور ویزا ہندوستان میں داخل ہوئے تھے۔

پولیس نے اب اس معاملہ میں سیکورٹی ایجنسیوں سے رابطہ کیا ہے۔ فی الحال گرفتار سبھی ملزمین کو  فارن ایکٹ کے تحت جیل بھیج دیا گیا ہے۔