اڈیشہ میں وزیر اعظم نریندر مودی کے قافلہ کی تلاشی لینے کی کوشش کی پاداش میں الیکشن کمیشن نے محمد محسن نامی آئی اے ایس افسر کو معطل کرنے کے احکامات صادر کر دئے۔ 1996 بیچ کے کرناٹک کیڈر کے آئی اے ایس محسن نے منگل کے روز سنبل پور میں پی ایم مودی کے قافلہ کی تلاشی لینے کی کوشش کی تھی لیکن ایس پی جی نے انہیں ایسا نہیں کرنے دیا گیا۔ محمد محسن اڈیشہ کے سنبل پور میں انتخابی مبصر کی حیثیت سے تعینات تھے۔
کمیشن کے سکریٹری راکیش کمار کے ذریعے جاری حکم میں کہا گیا ہے کہ محسن نے کمیشن کی جانب سے 22 مارچ اور 10 اپریل کو جاری ہدایات کے مطابق کام نہیں کیا جس کی وجہ سے انھیں معطل کیا جا رہا ہے۔ میڈیا رپورٹوں کے مطابق محمد محسن پر یہ کارروائی پی ایم او کی دخل کے بعد ہوئی ہے۔
#Odisha: Election Commission of India suspends with immediate effect General Observer Mohammed Mohsin for acting contrary to the instructions of the Commission concerning SPG protectees. He will be posted at Sambalpur till further orders. pic.twitter.com/1PB8IODqTS
— ANI (@ANI) April 17, 2019
