لکھنو¿27اکتوبر(آئی این ایس انڈیا)
بہوجن سماج پارٹی(بی ایس پی) سپریمو مایاوتی نے مرکزاور ریاستی حکومت پر عوامی مفادات کی اندیکھی کرنے کا الزام لگاتے ہوئے کہا کہ ترقی کا ڈنکا پیٹ کرسیاسی فائدہ حاصل کرنے کی کوشش کی جارہی ہے جس سے سماجی عدم مساوات روز بروز بڑھتا جارہا ہے دیوالی کی مبارک باد دینے کے ساتھ بی جے پی حکومت پر نشانہ لگاتے ہوئے محترمہ مایاوتی نے اتوار کو کہا کہ گھر۔پریوار کی خوشی میں ہی زندگی کی خوشی پنہاں ہے اور ایسے میں تمام ہی طبقات کے غریب اور ضرورت مند پڑوسی کے تئیں اپنی ذمہ داری کو نہ بھلایا جائے تو بہتر ہے اقوام متحدہ کے سکریٹری اینتونیو گوتریز کے بیان کا حوالہ دیتے ہوئے انہوں نے کہا کہ گلوبلائزیشن کے ساتھ۔ساتھ نئی ٹیکنالوجی کے بے تحاشہ استعمال سے سماج میں عدم مساوات میں لگاتار اضافہ ہورہا ہے۔ملک میں جو بھی ترقی ہورہی ہے اور اس کا ڈنکا پیٹ کا اس کا سیاسی فائدہ حاصل کرنے کی کوشش کی جارہی ہے۔ اس سے ملک کی تقریباََ130 کروڑ آبادی میں سے زیادہ تر غریب، محنت کش اور ضرورت مند افراد کا کوئی فائدہ نہیں ہوپارہا ہے بلکہ اس سے امیر لوگ اور زیادہ امیر ہوتے جارہے ہیں۔مایاوتی نے کہا کہ یہ ملک کی 130 کروڑ عوام کی اصلی ترقی نہیں ہے اور اس لیے ہندوستان غریبی،بے روزگاری وغیرہ کے سنگین مسائل والا ملک بن گیا ہے۔ اس کی اصلی وجہ یہ ہے کہ حکومتیں یہاں کے شہریوں کی نہیں سن رہی ہیں اور من مانے طریقے سے کام کررہی ہے جس کا نتیجہ ابھی اختتام پذیر ہونے والے اسمبلی انتخابات میں دیکھنے کو ملا ہے۔ اقوام متحدہ کے سکریٹری کی باتوں پر اگر حکومتیں دھیان دیں تو بہتر ہوگا۔
