اورنگ آباد: اورنگ آباد میں جاری مشن مریم مرزا محلہ محلہ لائبریری کے تحت بسم اللہ مسجد مسرواڑی میں ڈاکٹر خواجہ اقبال الدین محلہ لائبریری (بچوں کے لیے)مشہور ومعروف عالم دین مولانا محمد صادق ندوی کے ہاتھوں عمل میں آیا۔حاضرین سے خطاب کرتے ہوئے مولاناندوی نے کہا کہ یہ بڑی خوش آئند بات ہے کہ اورنگ آباد ریڈاینڈ لیڈ فاؤنڈیشن کے سرپرستی میں چلائی جارہی تحریک مریم مرزا محلہ محلہ لائبریری کے تحت غریب محلوں کے بچوں کے لیے چھوٹی چھوٹی لائبریریاں شروع کی گئی ہیں اور اب یہ گلی محلوں،مکانات سے نکل کر مساجدمیں شروع کی جارہی ہیں۔ انہوں نے یہ بھی کہاکہ میں مساجد کے ذمہ داران سے اپیل کروں گا کہ جن مساجدمیں گنجائش ہے وہاں قوم وملت کے بچوں کے لیے اسٹیڈی سینٹر قائم کیے جائیں انہوں نے یہ بھی کہاکہ میں یہ سمجھتا ہوں کہ موجودہ دورمیں مساجد میں دارالمطالعہ کا قیام وقت کی اہم ضرورت ہے
مشہور و معروفڈاکٹر مرحوم خواجہ اقبال الدین صاحب کے نام سے بچوں کے لیے قائم اس محلہ لائبریری کومنسوب کیاگیاہے جس کا افتتاح بعد نماز جمعہ دوپہر دو بجے مولنا محمد صادق ندوی (استاذ فاطمہ اردوگرلس ہائی اسکول) خالد سیف الدین،انجنئیرکلیم خان و ذاکرشیخ کے، ہاتھوں عمل میں آیا۔افتتاحی تقریب سے خطاب کرتے ہوئے۔ریڈاینڈ لیڈ فاؤنڈیشن کے صدر مرزاعبدالقیوم ندوی نے مشن مریم مرزا محلہ محلہ لائبریری کا تعارف اور اس کے اغراض و مقاصد بیان کرتے ہوئے کہاکہ سال رواں کے شروعات 8/جنوری کو اورنگ آباد شہرمیں ڈاکٹر اے پی جے عبدالکلام محلہ لائبریری کے نام سے پہلی لائبریری کا قیام عمل میں آیا۔ جس کا افتتاح رکن راجیہ سبھا ڈاکٹر فوزیہ خان نے کیاتھا۔ مریم مرزا جو ساتویں جماعت کی طالب علم ہے اس نے اپنی ذاتی تین سو کتابوں سے اس لائبریری کی شروع کی تھی جو آج دیکھتے ہی دیکھتے 18ہوگئی ہیں۔محلہ لائبریریاں ایسے علاقوں محلوں میں قائم کی جارہی ہیں جہاں غریب،مزدور پیشہ طبقہ زیادہ رہتا ہے جہاں کے بچوں کو درسی کتابوں کے علاوہ غیر درسی کتابیں پڑھنے اور دیکھنے کو بہت کم ملتی ہیں۔ ندوی نے کہا کہ گلی محلوں میں لائبریوں کے ساتھ ساتھ ہماری یہ کوشش ہے کہ مسجدوں میں بھی لائبریا ں،اسٹڈی سینٹر قائم کیے جائیں اس فائدہ یہ ہوگا کہ جوبچے پڑھنے میں ہوشیارہیں اور انہیں کے گھر چھوٹے ہوتے ہیں یہ ماحول نہیں مل پاتا ہے،اسی طرح گلی نکڑوں،چورہاہوں پر جو نوجوان اور نوعمر بچے راتوں کوگلی میں مٹر گشتی یا وقت گزاری کرتے رہتے ہیں انہیں مسجدوں میں بلایاجائے اور مطالعہ کی طرف راغب کیاجائے ان مزاج کی کتابیں لائبریوں میں مہیاکرائی جائیں تاکہ وہ مسجدوں میں آنے والے بنیں اس سے مسجدیں بھی آباد ہوں گی۔ابھی تک فاؤنڈیشن نے اورنگ آباد شہر کی پانچ مساجدمیں یہ سلسلہ شروع کیا ہے،انشاء سال کے آخر تک 25مساجدمیں اسٹڈی سینٹر شروع ہوجائیں گے اس سلسلہ میں مساجد کے ذمہ داران سے گفتگو جاری ہے۔
افتتاحی تقریب میں ک کثیر تعداد میں محلہ کے ساکنان موجود تھے ان سے خطاب کرتے ہوئے انجنئیر خالد سیف الدین نے کہاکہ ریڈ اینڈ لیڈ فاؤنڈیشن کے صدر مرزاعبدالقیوم ندوی اور ان کے دختر مریم مرزانے تاریخی شہر اور نگ آباد میں ایک تاریخی کارنامہ انجام دیا ہے جس کی پورے ملک میں سراہنا کی جارہی ہے اور اس ایک مثالی و قابل تقلید عمل قرار دیا جارہا ہے۔ انہوں نے یہ بھی کہاکہ میں تیقین دلایا کہ وہ بچوں کو لائبریری سے کتابیں لینے اور پڑھنے کے ترغیب دیں گے۔جہاں سے روزانہ بچے پابندی کے ساتھ کتابیں اپنے گھروں پر پڑھنے لے جاسکتے ہیں۔افتتاحی تقریب میں، شوسل ورکر محمدطیب ظفر، مسجد کے صدر ہارون خان،صالح نہدی چاوش کے علاوہ کثیر تعدادمیں محلہ کے معزز شخصیتوں کے علاوں محلہ کے ذمہ داران موجود تھے۔ اس موقع پر قومی کونسل برائے فروغ اردو زبان دہلی سے شائع ماہنامہ بچوں کی دنیا کا جشن آزادی پر شائع خصوصی شمارہ بچوں میں مفت تقسیم کیاگیا۔پروگرام کو کامیاب بنانے حنیف بھائی،مولانا سلیم، مولانا ریاض،شیخ نجم الدین،حاجی عبدالجبار و دیگر ساتھیوں نے محنت کی جبکہ مسجد میں لائبریری شروع کرنے پر مسجد کے صدرصاحب نے شکریہ ادا کیا اور کہاکہ وہ کوشش کریں گے کہ مسجد میں اسٹڈی سینٹر شروع ہوجائے۔
