کسانوں کا الزام ہے کہ کسانوں کو روندنے کی کوشش کرنے والوں میں مقامی رکن پارلیمان اور مملکتی وزیر برائے داخلہ اجئے مشر ٹینی کا بیٹا آشیش عرف مونو بھی شامل ہے۔
لکھیم پورکھیری: اترپردیش کے ضلع لکھیم پور کھیری کے تکونیا علاقے میں بی جے پی کارکنوں اور کسانوں کے درمیان ہوئی پرتشدد جھڑپ میں تین کسانوں کی موت ہوگئی، جبکہ گاڑیوں کو نذر آتش کر دیا گیا ہے۔ باوثوق ذرائع سے موصول اطلاع کے مطابق اتوار کی بنویر پور میں نائب وزیر اعلی کیسو پرساد موریہ کو ایک پروگرام میں آنا تھا جبکہ کسان اپنے مطالبات کی حمایت میں کالے جھنڈے دکھانے کے لئے کھڑے تھے۔ بی جے پی کارکنوں نے سراپا احتجاج کسانوں کو ہٹانے کی کوشش کی جسے لے کر دونوں فریقین میں تنازع شروع ہوگیا۔ اس درمیان بی جے پی کارکنوں نے کسانوں کی بھیڑ کو کار سے روندنے کی کوشش کی۔ اس حادثے میں تین کسان شدید طور سے زخمی ہوگئے۔
लखीमपुर खीरी के सांसद और केंद्रीय गृह राज्य मंत्री अजय मिश्र टेनी के पुत्र आशीष उर्फ मोनू मिश्रा ने कार किसानों पर चढ़ा दी है।
कई किसान घायल हैं, किसानों के मौत की भी खबर है।
अहंकारी भाजपा को करारा जवाब मिलेगा। pic.twitter.com/S5Ld3B2GLT
— UP Congress (@INCUttarPradesh) October 3, 2021
انہوں نے بتایا کہ حادثے میں زخمی دو کسانوں کے جاں بحق ہونے کی اطلاع ہے لیکن اس کی آفیشیل تصدیق نہیں ہوسکی ہے۔ ادھر کسانوں نے دو گاڑیوں کو نذر آتش کر دیا ہے۔ الزام ہے کہ کسانوں کو روندنے کی کوشش کرنے والوں میں مقامی رکن پارلیمان اور مملکتی وزیر برائے داخلہ اجئے مشر ٹینی کا بیٹا آشیش عرف مونو بھی شامل ہے۔ حادثے کے بعد علاقے میں کثیر مقدار میں پولیس ٹیم کو تعینات کیا گیا ہے۔ موقع واردات پر کسانوں کی کثیر تعداد یکجا ہوگئی ہے۔ پولیس کے اعلی افسران بھی موقع پر موجود ہیں۔
किसान आंदोलन को तो कुचल न सके, कायर अब किसानों को कुचल रहे हैं। pic.twitter.com/D1imUvksZN
— UP Congress (@INCUttarPradesh) October 3, 2021
(بشکریہ قومی آواز)
