جیند عظیم متو نے کہا کہ اس مردم شماری سے چھاپڑی فروشوں کی باز آباد کاری، فلی مارکیٹوں اور وینڈنگ اور نان وینڈنگ زونوں کا قیام عمل میں لایا جائے گا۔
سری نگر: سری نگر میونسپل کارپوریشن (ایس ایم سی) ماہ رواں کے دوران شہر کے تمام وارڈوں میں چھاپڑی فروشوں کی مردم شماری کا عمل شروع کرے گا۔ مردم شماری کے اس عمل کا مقصد چھاپڑی فروشوں کی باز آباد کاری اور فلی مارکیٹس کا قیام عمل میں لانا ہے۔ یہ جانکاری ایس ایم سی کے میئر جیند عظیم متو نے پیر کے روز اپنے ایک ٹوئٹ کے ذریعے فراہم کی۔
SMC will start a city-wide Street Vendor Census this month – to identify, classify and register street-vendors in all 74 wards of the city.
This will form basis of rehabilitation, establishment of flea markets and vending/non-vending zones and also ensure success of PM-SVANidhi.
— Junaid Azim Mattu (@Junaid_Mattu) November 1, 2021
جیند عظیم متو کا اپنے ایک ٹوئٹ میں کہنا تھا کہ ’ایس ایم سی شہر سری نگر کے سبھی 74 وارڈوں میں چھاپڑی فروشوں کی شناخت، درجہ بندی اور رجسٹریشن کے لئے ماہ رواں کے دوران اسٹریٹ وینڈر مردم شماری کا عمل شروع کرے گا‘۔ انہوں نے کہا کہ ’اس مردم شماری سے چھاپڑی فروشوں کی باز آباد کاری، فلی مارکیٹوں اور وینڈنگ اور نان وینڈنگ زونوں کا قیام عمل میں لایا جائے گا اور اس سے پی ایم- اسٹریٹ وینڈرس آتم نر بھر ندھی اسکیم کی کامیابی بھی یقینی بن جائے گی‘۔
(بشکریہ قومی آواز)
