ہندو تنظیموں کا جامع مسجد سری رنگاپٹن میں پوجا کرنے کا اعلان، دفعہ 144 نافذ

کرناٹک کے مانڈیا ضلع میں ماحول اس وقت کشیدہ ہو گیا جب ہندو تنظیموں نے سری رنگاپٹن میں واقع جامع مسجد میں پوجا کرنے کا اعلان کیا۔ ہندو تنظیموں سے وابستہ افراد بڑی تعداد میں بھگوا کپڑے پہن کر اور بھگوا جھنڈے تھام کر کرانگور جنکشن پر جمع ہو گئے ہیں۔ ان کا کہنا ہے کہ وہ مسجد میں داخل ہوں گے اور پوجا کریں گے۔ دریں اثنا، قصبہ میں دفعہ 144 نافذ کر دی گئی ہے۔