لو جہاد کے ملزم آرزو ملک کے گھر پر انتظامیہ نے چلایا بلڈوزر، دھوکے سے دوسرے مذہب کی لڑکی سے شادی کرنے کا الزام

ملزمین کے خلاف کارروائی کے نام پر بلڈوزر چلانے کا عمل اتر پردیش، مدھیہ پردیش اور آسام کے بعد جھارکھنڈ میں بھی انجام دیا گیا ہے۔ جھارکھنڈ کے بوکارو میں لو جہاد کے ملزم آرزو ملک کے گھر پر انتظامیہ نے بلڈوزر چلا کر اسے زمیں دوز کر دیا ہے۔ الزام ہے کہ آرزو نے اپنا مذہب چھپا کر ہندو لڑکی سے شادی کی، اور پھر لڑکی کو اپنے دوستوں کے حوالے کر دیا، جنھوں نے اجتماعی عصمت دری کا واقعہ انجام دیا۔ دعویٰ کیا جا رہا ہے کہ ملزم نے لڑکی کی ویڈیو بھی بنائی جسے دکھا کر وہ لڑکی کو بلیک میل کرتا تھا۔