نتیش کمار کو لالو پرساد یادو کا جواب، وہ خود ہی لالچی ہیں، ہمیں کیاسکھائیں گے
رانچی(ملت ٹائمزایجنسیاں)
بہارکے اقتدار میں تبدیلی کے بعد سے ابھی تک اتحاد میں رہے دونوں جماعتوں میں تلخی جاری ہے۔دونوں ہی پارٹیاں ایک دوسرے پرحملے جاری رکھے ہوئی ہیں۔اب بہار کے سابق وزیر اعلی اور آر جے ڈی سربراہ لالو پرساد یادو نے نتیش کمار پر حملہ بولتے ہوئے کہا کہ وہ خود ہی لالچی ہیں، وہ ہم کو کیا سکھائیں گے کی لالچ نہ کریں۔انہوں نے بھاگلپورکے زمین گھوٹالے میں بہار کے نائب وزیراعلیٰ سشیل مودی اور وزیر اعلی نتیش کمار دونوں کے شامل ہونے کے بھی الزام لگائے۔چارہ گھوٹالے کے ایک معاملے میں خصوصی سی بی آئی عدالت میں پیش ہونے کے بعد میڈیا سے بات کرتے ہوئے لالوپرسادیادونے الزام لگایاکہ نتیش کمار خود بہت لالچی شخص ہیں۔انہوں نے کہاکہ پہلے نتیش آپ لالچ چھوڑےں اس کے بعد ہمیں لالچ چھوڑنے کی سیکھ دےں توبہترہو گا۔ میڈیا نے اس سے پوچھا تھا کہ نتیش کے اس بیان کے بارے میں ان کا کیا کہنا ہے جس میں انہوں نے لالو پرساد سے اقتدار کی لالچ چھوڑنے کوکہاتھا۔لالو نے کہا کہ بدھ کو بھاگلپور میں اجاگر ہوئے زمین گھوٹالہ کے لیے نائب وزیراعلیٰ سشیل مودی ذمہ دارہیں۔انہوں نے کہا کہ اس گھوٹالے میں نتیش کمار بھی شامل رہے ہیں۔جب معاملہ لیک ہونے کو تھا، تب انکوائری کا ڈرامہ کیاگیاہے۔آر جے ڈی لیڈر کیدار رائے کی آج داناپر میں ہوئی قتل پر اپنے رد عمل میں لالو نے کہا کہ بہار میں چن چن کر آر جے ڈی کے لوگوں کا قتل کی جا رہی ہے۔لالو نے الزام لگایا کہ نتیش راج میں بڑے گھوٹالے ہو رہے ہیں. بھاگلپور میں ہوا زمین گھوٹالہ کئی ہزار کروڑ روپے کا ہے. انہوں نے طنز کستے ہوئے کہا کہ چور کی داڑھی میں تنکا ہے. جب معاملہ لیک ہو رہا تھا تو جانچ کا ڈرامہ کیا جا رہا ہے. لالو نے کہا، اس گھوٹالے کے لیے سشیل مودی ذمہ دارہیں۔وزیر خزانہ رہتے سشیل مودی نے تخلیق ادارے کے ذریعے گھوٹالہ کرایا۔ اس میں نتیش کمار بھی ملوث ہےں۔کئی افسران بھی شامل ہیں۔
