اسلام آباد:پاکستان کے معروف سیاسی رہنما اور چیئرمین تحریک انصاف عمران خان کا کہنا ہے کہ نواز شریف دور جدید کے میرجعفر ہیں جنہوں نے ذاتی مفادات کے لیے انگریزوں سے ہاتھ ملا کر قوم کو غلامی کی زنجیروں میں جکڑ دیاہے ۔
پاکستانی میڈیا کے مطابق چیئرمین تحریک انصاف عمران خان کا کہنا ہے کہ نواز شریف دور جدید کے میرجعفر ہیں جنہوں نے ذاتی مفادات کے لیے انگریزوں سے ہاتھ ملا کر قوم کو غلامی کی زنجیروں میں جکڑ دیا۔ ان کا کہنا تھا کہ نواز شریف بیٹوں کی بیرون ملک کمپنیوں میں چھپاکر رکھے چوری کے 300 ارب روپے بچانے کے لیے پاکستان کے خلاف مودی کی زبان بول رہے ہیں۔
نواز شریف…! قوم کو بتاؤ
تم نے اپنے چار سالہ دورِ وزارت عظمیٰ کے دوران زبان کیوں نہیں کھولی اور کیوں کوئی کارروائی نہیں کی؟ آج بھی تو تمہارا ہی ایک مہرہ وزیر اعظم ہے۔ https://t.co/Zen8saxzAc— Imran Khan (@ImranKhanPTI) May 13, 2018
عمران خان نے کہا کہ نواز شریف کا اصل چہرہ آج پوری طرح قوم کے سامنے ہے، اپنی سیاہ کاریاں بچانے کے لیے نواز شریف نہ صرف فوج، نیب اور سپریم کورٹ جیسے ریاستی ادارے تباہ کرنے پر بضد ہیں بلکہ یہ پاکستان کے مستقبل سے کھلواڑ پر اترآئے ہیں۔
چیئرمین تحریک انصاف عمران خان نے کہا کہ نواز شریف قوم کو بتائیں کہ انہوں نے اپنے 4 سالہ دورِ وزارت عظمیٰ کے دوران ممبئی حملہ پر زبان کیوں نہیں کھولی اور کیوں کوئی کارروائی نہیں کی، آج بھی تو انہی کا ایک مہرہ وزیر اعظم ہے۔
