اروناچل پردیش میں ریاست کے باہر کی چھ برادریوں کو مستقل شہریت ہونے کا سرٹیفیکٹ دینے کے خلاف احتجاج جاری ہے
اروناچل پردیش میں ریاست کے باہر کی چھ برادریوں کو مستقل شہری ہونے کا سرٹیفیکٹ دینے کے خلاف احتجاج جاری ہے۔ یہاں ماحول کشیدہ بنا ہوا ہے۔ اتوار کو دوپہر تقریبا ایک بجے مشتعل مظاہرین نے نائب وزیر اعلیٰ چونے مین کے بنگلے پر دھاوا بول دیا اور وہاں آگ لگا دی۔
ایٹانگر ضلع انتظامیہ کی رپورٹ کے مطابق، نائب وزیر اعلیٰ کی ایک گاڑی کو بھی مظاہرین نے جلا دیا ہے۔ خبر ہے کہ وزیر اعلیٰ پیما کھانڈو کے گھر کی باہر آئی ٹی بی پی کے جوانوں اور مظاہرین کے درمیان جھڑپ بھی ہوئی۔
مشتعل مظاہرین نے نائب وزیر اعلیٰ چونے مین کے بنگلے پر دھاوا بول دیا اور وہاں آگ لگا دی۔
#WATCH Permanent residence certificate row: Violence broke out in Itanagar during protests against state’s decision to grant permanent resident certificates to non-#ArunachalPradesh Scheduled Tribes of Namsai & Chanaglang; Deputy CM Chowna Mein's private house also vandalised. pic.twitter.com/FrcmqWbL8c
— ANI (@ANI) February 24, 2019
اس درمیان احتجاج کاروں نے ریاست کے ماحولیات اور جنگلات کے وزیر نبام ریبیا کے گھر پر بھی آگ لگا دی۔ نبام ریبیا پی آر سی جوائنٹ پاور ہائی کمیٹی کے چئیرمین بھی ہیں۔ مسلسل بڑھتی کشیدگی کے مدنظر نائب وزیر اعلیٰ چونے مین کو اتوار کی صبح ایٹا نگر سے نامسائی ضلع میں شفٹ کر دیا گیا۔ اس کے علاوہ مظاہرین نے ضلع کمشنر کے گھر پر بھی آگ زنی کی ہے۔
