مدھیہ پردیش: بجرنگ دل رہنما کے بھائی نے کیا جڑواں بچوں کا اغوا و قتل

آئی جی چنچل شیکھر نے بتایا کہ قتل کے ملزمان نے جڑواں بچوں کے اغوا میں موٹر سائیکل اور کار کا استعمال کیا تھا، موٹر سائیکل کی نمبر پلیٹ پر رام راجیہ لکھا ہوا ہے اور کار پر بی جے پی کا جھنڈا لگا ہے۔

مدھیہ پردیش کے چترکوٹ سے 12 فروری کو اغوا کیے گئے جڑواں بچوں کا اترپردیش کے باندہ میں جمنا ندی کے پاس سے لاش برآمد ہوئیں ہیں، لاشیں برآمد کیے جانے کے بعد پریس سے بات کرتے ہوئے ریوا زون کے آئی جی نے ایک بڑا انکشاف کیا ہے، میڈیا سے بات کرتے ہوئے آئی جی چنچل شیکھر نے کہا، ’’بچوں کے اغوا اور قتل کے اہم ملزم پدم شکلا سمیت 6 افراد کو گرفتار کیا گیا ہے، پدم شکلا بجرنگ دل کے کنوینر وشنوکانت شکلا کا بھائی ہے، حالانکہ اب تک کی تفتیش میں وشنو کانت شکلا کے ملوث ہونے کی کوئی اطلاع نہیں آئی‘‘۔

ریوا زون کے آئی جی چنچل شیکھر نے بتایا کہ قتل کے ملزمان نے جڑواں بچوں کے اغوا میں موٹر سائیکل اور کار کا استعمال کیا تھا، موٹر سائیکل کی نمبر پلیٹ پر رام راجیہ لکھا ہوا ہے اور کار پر بی جے پی کا جھنڈا لگا ہے۔

Rewa IG Chanchal Shekhar: Mastermind of the crime Padam Shukla's younger brother Vishnukant is area-coordinator of Bajrang Dal,but he has no role in the case.A bike&a car were used in the crime, Ram Rajya was written in place of the no. plate on bike & there was a BJP flag on car https://t.co/BoNmUwOT9m

— ANI (@ANI) February 24, 2019

وہیں مدھیہ پردیش کے وزیر اعلیٰ نے ضلع ستنا کے چترکوٹ سے دو معصوم بچوں کے اغوا اور قتل کی واردات پر آج شدید افسوس کا اظہار کرتے ہوئے کہا کہ ملزموں کو ہر حال میں سخت سزا ملے گی۔

Chitrakoot twins abduction & murder case: Car used in the crime also seized by police. 6 persons have been arrested in the case. #MadhyaPradesh pic.twitter.com/rp02aUZd3j

— ANI (@ANI) February 24, 2019

کمل ناتھ نے ٹوئٹ کیا کہ انہوں نے خود ہی بچوں کے والد برجیش راوت سے فون پر بات کر کے تعزیت کا اظہار کیا ہے۔ ساتھ ہی بھروسہ دلایا کہ بچوں کا قتل کرنے والے ملزموں کو ہرحال میں سخت سزا ملے گی۔

MP CM Kamal Nath on Chitrakoot twins abduction&murder case:I spoke to victims' father. The politics behind it will also be uncovered. Whose flag was there on the vehicle in which they were travelling, police is exposing all that.Opposition is scared because their ppl are involved https://t.co/YUggVeE24R

— ANI (@ANI) February 24, 2019

مدھیہ پردیش کے وزیر داخلہ بالا بچن نے ضلع ستنا کے چترکوٹ سے مغوی بچوں کی لاشیں آج برآمد ہونے پر افسوس اور دکھ کا اظہار کیا۔ انہوں نے کہا کہ بچوں کو نہ بچا پانے کا افسوس انھیں ہے۔

بالا بچن نے ضلع بڑوانی کے راج پور میں میڈیا سے گفتگو کرتے ہوئے دعویٰ کیا کہ اس معاملے میں پولس نے بچوں کو بچانے کی پوری کوشش کی لیکن کامیابی ہاتھ نہیں آئی۔ انھیں خود بھی اس کا بے حد افسوس ہے۔ انہوں نے واردات کو بدقسمتی قرار دیتے ہوئے کہا کہ اترپردیش سے متصل علاقے میں یہ واردات ہوئی ہے اور تمام ملزمین کو گرفتار کر لیا گیا ہے۔

انہوں نے کہا کہ ضلع ستنا کی پولس نے اس معاملے میں چھ ملزموں کو گرفتار کیا ہے اور جو ابتدا میں معلومات موصول ہوئیں ان کے مطابق بچوں کو ٹیوشن پڑھانے والے تمام ملزموں میں شامل ہے۔ اس تعلق سے وہاں پولس میڈیا کو تفصیلی معلومات فراہم کروا رہی ہے۔

بالا بچن نے کہا کہ لاء اینڈ آرڈر کے معاملے میں سختی لانے کے مقصد سے کام چل رہا ہے۔ اس تعلق سے پولس کے سربراہ سے بھی گفتگو کی جائے گی۔ ایک دوسرے سوال کے جواب میں انہوں نے دعویٰ کرتے ہوئے کہا کہ موجودہ حکومت میں لاء اینڈ آرڈر کی صورتحال سابقہ حکومت سے بہتر ہے۔