کانگریس نے مودی کی قیادت والی نریندر مودی حکومت پر کئی بڑے سوال کھڑے کیے ہیں۔ صحافیوں سے خطاب کرتے ہوئے پنجاب کے وزیر اور کانگریس کے سینئر رہنما نوجوت سنگھ سدھو نے وزیر اعظم نریندر مودی پر سخت حملہ بولا ہے۔ انہوں نے پریس کانفرنس میں بے روزگاری، کسان اور رافیل سودے پر جم کر مودی حکومت کو گھیرا۔
سدھو نے کہا ”اج ہم حکومت کے فلیگ شپ منصوبوں کی پول کھولتے ہیں۔ مودی جی گنگا کی صفائی کی بات کر رہے ہیں لیکن وارانسی میں ہی گنگا میلی ہے۔ سپریم کورٹ بھی یہ کہہ چکا ہے کہ اس رفتار سے گنگا کی صفائی ہوئی تو اس میں دو سو سال لگیں گے“۔ سدھو نے کہا کہ مودی حکومت نے این جی سی کی میٹنگ گزشتہ پانچ سالوں سے نہیں بلائی۔ انہوں نے مزید کہا کہ ”مودی حکومت کے ڈجیٹل انڈیا کے وعدے بانس کی طرح لمبے اور کھوکلے ہیں کیونکہ جہاں سے منصوبہ کی شروعات ہونی تھی اج وہاں ہی انٹرنیٹ نہیں چل رہا ہے“۔
اسکل انڈیا منصوبہ کے تعلق سے انہوں نے کہا کہ یہ بھی ایسا ہی ہے جس کے بارے میں کہا جا سکتا ہے کہ ’نام بڑے اور درشن چھوٹے‘۔ اس کے تحت چالیس لاکھ لوگوں کو تربیت دی گئی لیکن نوکری محض دس فیصد کو ہی ملی۔ انہوں نے کہا کہ ”مودی حکومت میں نوکری ملی نہیں صرف حکومت نے نمبر بڑھا کر پیش کر دیئے، اعداد و شمار بتاتے ہیں کہ اسکل انڈیا میں کس طرح چالیس فیصدی فرضی انرولمنٹ ہوئے ہیں“۔
’سانسد ا?درش گرام یوجنا‘ پر بولتے ہوئے سدھو نے کہا کہ ”امرت اسکیم میں بھی کام نہیں ہوا اور ’سانسد ادرش گرام یوجنا‘ کے تیسرے مرحلہ میں کسی گاوں کا انتخاب نہیں ہوا۔46 فیصد مرکزی وزرائ نے اپنے گاوں ہی نہیں چنے۔ وزیر اعظم نے دو گاوں کا انتخاب کیا تھا جہاں اج یہ حالت ہے کہ 80 فیصد میں بیت الخلاءمیں لکڑیاں رکھی جا رہی ہیں۔ سولر اسٹریٹ لگائی گئیں لیکن ان میں بیٹری نہیں ہیں“۔
سدھو نے کہا کہ ”بیٹی بچاو بیٹی پڑھاو¿‘ کے684 کروڑ روپے کے65 فیصدی یعنی365 کروڑ روپے اشتہار پر خرچ کیے گئے ہیں۔ ریاستوں کو صرف 156 کروڑ روپے دیئے گئے اور 19 کروڑ دیئے ہی نہیں گئے“۔
وزیر اعظم پر سخت حملہ کرتے ہوئے سدھو نے انہیں جھوٹوں کے سربراہ کہہ کرمخاطب کیا ”وہ پھر میری شکایت کریں گے۔ کہیں گے کہ سدھو مجھے جھوٹا بولتا ہے۔ میں بتا دوں کہ کمزور لوگ شکایت کرتے ہیں اور طاقتور لوگ تو شکست دیتے ہیں“۔ انہوں نے کہا کہ مودی ائے تو تھے گنگا لا ل بن کر اور جائیں گے رافیل کے دلال بن کر۔ میں ٹھوک کر بولتا ہوں اور مودی جی کوئی جواب نہیں دیتے“۔
