آخر یہ سلسلہ کب تک جاری رہے گا؟ لاکھوں لوگوں کو ’حب الوطنی‘ کے نام پر خاموش کر دیا گیا ہے اور دبایا جا رہا ہے
سری نگر (ملت ٹائمز)
جموں و کشمیر کی تازہ صورت حال کے حوالہ سے کانگریس کی جنرل سکریٹری پرینکا گاندھی نے مرکز کی مودی حکومت پر حملہ بولا ہے۔ انہوں نے ٹوئٹر پر لکھا کہ حب الوطنی کے نام پر لاکوں لوگوں کو خاموش کر دیا گیا ہے۔
پرینکا گاندھی نے اپنے ٹوئٹ میں لکھا، ”آخر یہ سلسلہ کب تک جاری رہے گا؟ لاکھوں لوگوں کو ’حب الوطنی‘ کے نام پر خاموش کر دیا گیا ہے اور دبایا جا رہا ہے۔“ انہوں نے مزید لکھا، ”جو لوگ حزب اختلاف پر سیاست کا الزام لگا رہے ہیں وہ جان لیں کہ کشمیر میں شٹ ڈاون اور جمہوری حقوق چھین لینے سے زیادہ ’اینٹی نیشنل‘ اور ’سیاسی‘ اور کچھ بھی نہیں ہو سکتا۔
How long is this going to continue?This is one out of millions of people who are being silenced and crushed in the name of “Nationalism”.
For those who accuse the opposition of ‘politicising’ this issue: https://t.co/IMLmnTtbLb
— Priyanka Gandhi Vadra (@priyankagandhi) August 25, 2019
پرینکا گاندھی نے مزید کہا، ”کشمیر میں حکومتی اقدام کے خلاف آواز اٹھانا ہر کسی کا فرض ہے اور ہم یہ کرنے سے نہیں رکیں گے۔“واضح رہے کہ کشمیر میں دفعہ 370 کی شقوں کی منسوخی کے بعد سے لگاتار جاری کرفیو اور پابندیوں کے بعد گزشتہ روز راہل گاندھی کی قیادت میں وادی کشمیر کا دورہ کرنے کا فیصلہ کیا تھا لیکن پولس اور انتظامیہ نے وفد کو سرینگر ایئر پورٹ سے باہر نہیں نکلنے دیا اور وفد کے ممبران کو بیرنگ واپس لوٹ کر دہلی آنا پڑا۔
وفد کی سرینگر کے لئے پرواز کے دوران ایک کشمیری خاتون نے راہل گاندھی کو اپنی روداد بیان کی تھی، جس کی ویڈیو سوشل میڈیا پر خوب وائرل ہو رہی ہے۔ پرینکا گاندھی نے اپنے ٹوئٹ کے ساتھ اس ویڈیو کو بھی ری ٹوئٹ کیا ہے۔
