سنجے سنگھ نے بی جے پی رہنما وجے گوئل کو خط لکھ کر پو چھے تین سوال 

بی جے پی کو بتانا چاہئے کہ وہ دہلی والوں کو 200 یونٹ مفت بجلی اور پانی کے واجبات معاف کرنے کے حق میں ہے یا نہیں: سنجے سنگھ

نئی دہلی: (ہ س – خالد مصطفی) عام آدمی پارٹی ہیڈ کوارٹر میں پریس کانفرنس کے ذریعے راجیہ سبھا ممبر پارلیمنٹ سنجے سنگھ نے کہا کہ انہوں نے بی جے پی رہنما وجے گوئل کو ایک خط لکھ کرتین سوال پو چھے ہیں۔سنجے سنگھ نے صحافیوں سے خطاب کرتے ہوئے کہا کہ دہلی میں عام آدمی پارٹی کی حکومت گذشتہ 5 سالوں سے عوامی مفاد میں مستقل طور پر کام کر رہی ہے۔ لیکن ایسا لگتا ہے کہ بی جے پی عوامی مفاد میں کیے جانے والے کاموں سے خوش نہیں ہے۔ یہی وجہ ہے کہ جب دہلی حکومت نے خواتین کے لئے مفت سفر کے لئے اسکیم تجویز کی تو بی جے پی نے اس کی مخالفت کی۔ جب دہلی حکومت نے 200 یونٹوں تک مفت بجلی کی تجویز پیش کی تو بی جے پی نے بھی اس کی مخالفت کی۔ جب دہلی حکومت نے دہلی کی کچی کالونیوں میں رہنے والے لوگوں کو ملکیت دینے کے لئے رجسٹری کا اعلان کیا تو بی جے پی قائدین نے بھی اس کی مخالفت کی۔ اب جب دہلی حکومت نے پانی کے بقایا بلوں کو معاف کرنے کا اعلان کیا ، تو بی جے پی کے تمام رہنما اس کی مخالفت میں مصروف ہیں۔بھارتیہ جنتا پارٹی کے رہنما یہ فیصلہ کرنے سے قاصر ہیں کہ وہ عوام کے ساتھ کھڑے ہیں یا عام آدمی پارٹی کی مخالفت کے مقابلہ میں عوام کے خلاف کھڑے ہیں۔ بی جے پی رہنماؤں کا واحد کام یہ ہے کہ دہلی کی عام آدمی پارٹی حکومت کی جانب سے کئے جانے والے مفاداتی کاموں کی مخالفت کی جائے ، وزیر اعلی اروند کیجریوال کی مخالفت کریں۔سنجے سنگھ نے کہا کہ بی جے پی کے رہنماؤں میں ، بنیادی طور پر تین افراد منوج تیواری ، وجئے گوئل اور وجندر گپتا دہلی کے وزیر اعلی بننے کے لئے مقابلہ کررہے ہیں۔ چونکہ ان تینوں افراد میں وجئے گوئل جی سب سے سینئر ہیں ، اس لئے میں نے انہیں ایک خط لکھ کر بی جے پی کو تین سوالات لکھ کر پوچھے گئے ہیں جو مندرجہ ذیل ہیں

1- کیا آپ دہلی کے عوام کو 200یونٹ مفت بجلی دینے کے حق میں ہیں یا نہیں ؟

2-کیا بی جے پی دہلی کے لوگوں کا پانی بقایہ بلوں کو معاف کرنے کے حق میں ہے یا نہیں؟

3-کیجریوال جی کا مقابلہ کرنے کے لئے آئندہ انتخابات میں بی جے پی کے وزیر اعلیٰ کون ہے؟

AAP सांसद @SanjayAzadSln ने @BJP4India सांसद @VijayGoelBJP को लिखी चिट्ठी, पूछे ये तीन सवाल।https://t.co/3ZpCmTr6jv

— Ashutosh Ojha (@Aojhaaap) August 30, 2019

سنجے سنگھ نے کہا کہ مجھے امید ہے کہ وجئے گوئل جی عوامی مفاد کے معاملے پر جلد از جلد اپنا جواب دیں گے چاہے وہ عوام کے ساتھ ہیں یا عوام کے خلاف ہیں۔دہلی کی عوام سے وجے گوئل معافی مانگے ،ایک اور معاملے پر صحافیوں کو معلومات دیتے ہوئے سنجے سنگھ نے بتایا کہ آج وجئے پور کے علاقے میں ، وجے گوئل نے پانی اور بجلی کے معاملے پر ایک میڈیا پروگرام ترتیب دیا تھا۔ پروگرام میں ، سابق ریاستی صدر اور عام آدمی پارٹی کے رہنما ، دلیپ پانڈے نے دہلی حکومت کے 200 یونٹ مفت بجلی اور واجب الادا بل معاف کرنے کے اعلان پر وجے گوئل جی سے اپنا پہلو جاننے کو کہا ، تب وجے گوئل کے ساتھیوں نے اس پروگرام میں موجود انکے ساتھ د ھکا مکی کی گئی اوربے عزتی کی گئی اور پو لیس کو بلاکردلیپ پانڈے کو وہاںسے بھگانے کا حکم دیا گیا۔سنجے سنگھ نے کہا کہ عام آدمی پارٹی کی جانب سے میں اس واقعے کی پرزور مذمت کرتا ہوں۔ جمہوریت میں اس قسم کی کارروائی انتہائی قابل مذمت ہے۔ وجئے گوئل جی عوام کے نمائندے ہیں ، مفاد عامہ کے امور پر جواب دینے کی بجائے ، اس طرح کے واقعے کو انجام دینا شرم کی بات ہے۔ اسے اس حرکت کے لئے دہلی کے عوام اور دلیپ پانڈے سے معافی مانگنی چاہئے۔