ابری مسجد پر سپریم کورٹ کا فیصلہ آنے کے بعد قومی مشیر اجیت ڈووال نے مختلف مذاہب کے رہنما کے ساتھ اپنے گھر پر 10نومبر کو ایک میٹنگ طلب کی تھی جس میں مولانا اصغر علی امام مہدی سلفی کے علاوہ مشاورت کے صدر نوید حامد ، جماعت اسلامی ہند کے نائب امیر انجینئر سلیم ،پروفیسر اختر الواسع،مولانا کلب جواد سمیت متعدد رہنما نے شرکت کی
نئی دہلی (ملت ٹائمز)
اجودھیا تنازع پر سپریم کورٹ کے فیصلہ کی ستائش کرتے ہوئے مرکزی جمعیت اہل حدیث کے امیر مولاناعلی اصغر اما مہدی سلفی نے اجیت ڈووال کے ساتھ میٹنگ میں کہاکہ سپریم کورٹ کا فیصلہ ہم سب کے حق میں ہے ، یہ کسی کی ہار اور کسی کی جیت نہیں ہے ، سب سے بڑی جیت یہ ہے کہ ہم سب قومی سلامتی کے موضوع پر یہاں بیٹھے ہیں ۔ میٹنگ میں اظہار خیال کرتے ہوئے انہوں نے مزید کہاکہ عرب کہتے ہیں مصر کی پوری دنیا کی ماں ہے اور انہیں اس پر فخر ہے اور ہم لوگ کہتے ہیں کہ بھارت دنیا کا باپ ہے اور اس تاریخی فیصلے سے ہم نے ثابت کردیاکہ بھارت دنیا کا باپ ہے ۔ آدم علیہ السلام بھی اسی دھرتی پر اترے تھے جب وہ جنت ئے آئے تھے ۔ ہم سب انہیں کی اولاد ہیں ،سب کو مبارکباد اور شکریہ ۔
#WATCH Maulana Asghar Ali Salafi, President, Markazi Jamiat Ahle Hadees Hind at a meet at NSA Ajit Doval's residence in Delhi, earlier today: This is not a victory for Hindus or Muslims, it is a victory for India & Indians, this verdict is in favor of everyone. #AyodhyaVerdict pic.twitter.com/VZhA0Wah59
— ANI (@ANI) November 10, 2019
واضح رہے کہ بابری مسجد پر سپریم کورٹ کا فیصلہ آنے کے بعد قومی مشیر اجیت ڈووال نے مختلف مذاہب کے رہنما کے ساتھ اپنے گھر پر 10نومبر کو ایک میٹنگ طلب کی تھی جس میں مولانا اصغر علی امام مہدی سلفی کے علاوہ مشاورت کے صدر نوید حامد ، جماعت اسلامی ہند کے نائب امیر انجینئر سلیم ،پروفیسر اختر الواسع،مولانا کلب جواد سمیت متعدد رہنما نے شرکت کی اور وہاں کہاکہ سپریم کورٹ کا فیصلہ ہمیں تسلیم ہے ۔ کچھ لوگوں نے یہ بھی کہاکہ ہم آل انڈیا مسلم پرسنل لاءبورڈ پر دباﺅ بنائیں گے کہ وہ نظر ثانی کی درخواست دائر نہ کرے ۔
