مہاراشٹر میں بن گئی بات، شیو سینا – این سی پی بنائے گی حکومت، کانگریس بھی تیار!

 این سی پی-شیوسینا کے لیے حکومت سازی کے لیے راستے ہموار، کانگریس دے گی حمایت

شیوسینا سربراہ ادھو ٹھاکرے، ان کے بیٹے آدتیہ ٹھاکرے اور پارٹی کے دیگر سینئر لیڈران گورنر بھگت سنگھ کوشیاری کے پاس پہنچ چکے ہیں اور میڈیا ذرائع کے مطابق این سی پی کے سرکردہ لیڈران بھی راج بھون تھوڑی ہی دیر میں پہنچنے والے ہیں۔ اسی درمیان میڈیا ذرائع نے یہ بھی خبر دی ہے کہ سونیا گاندھی نے شرد پوار سے فون کر کے شیوسینا کو حمایت دینے کی بات کہی ہے۔ حالانکہ اس خبر کی کوئی تصدیق نہیں ہو سکی ہے لیکن جس طرح سے شیوسینا اور این سی پی لیڈران راج بھون پہنچ رہے ہیں، اس سے اندازہ ہوتا ہے کہ کانگریس سے ان کی بات چیت ہو چکی ہے۔