دہلی کی کرشنا نگر کے علاقے میں آتشزدگی ، اطلاع ملتے ہی فوری طور پر فائر بریگیڈ کی پانچ گاڑیوں کو روانہ کیا گیا
نئی دہلی (ملت ٹائمز)دہلی کے مشرقی علاقے کرشنا نگر میں آگ لگنے کے بعد چالیس افراد کو بچا لیا گیا محکمہ فائر بریگیڈ کے ذرائع کے مطابق انہیں علی الصبح دو بج کر آٹھ منٹ پر آگ لگنے کی اطلاع ملی۔
عمارت چار منزلہ تھی اور آگ دری کی دکان میں لگی تھی آتشزدگی کی اطلاع ملتے ہی فوری طور پرفائر بریگیڈ کی پانچ گاڑیوں کو جاے وقوع پر روانہ کیا گیا اور عمارت سے چالیس افراد کو محفوظ نکالا گیا دہلی میں گذشتہ دنوں آگ لگنے کے واقعات میں کافی اضافہ ہوا ہےاس سے پہلے 24 دسمبر کو دہلی کے نریلا صنعتی علاقے میں دو فیکٹریوں میں شدید آگ لگ گئی تھی اور اسے بجھانے کے دوران تین فائر فائٹر زخمی ہو گئے تھے۔ دہلی کے شمال مغربی ضلع کے کراڑی علاقے میں 23 دسمبر کو ایک کپڑا گودام میں آگ لگنے سے تین بچوں سمیت نو افراد کی دردناک موت ہو گئی تھی اور تین دیگر شدید طور سے جھلس گئے تھے۔ اس سے بھی پہلے آٹھ دسمبر کو شمالی دہلی کے رانی جھانسی روڈ پر واقع اناج منڈی میں چار منزلہ فیکٹری میں آگ لگنے سے 43 افراد کی موت ہو گئی تھی اور 60 دیگر افراد جھلس ہو گئے تھے۔
