نئی دہلی ( آئی این ایس انڈیا )
پائیدار ترقی (اےس ڈی جی ) کی سمت میں ریاستوں کی ترقی سے متعلق پالیسی کمیشن کی اس سال کی رپورٹ میں کیرل، ہماچل پردیش اور آندھرا پردیش ٹاپ کی کارکردگی کرنے والے ریاستوں کے طور پر ابھری ہیں۔ اس میں سماجی، اقتصادی اور ماحولیات کے شعبہ میں ریاستوں کی ترقی کی بنیاد ان کی کارکردگی کو شمار کیا جاتا ہے اور ان کی درجہ بندی کی جاتی ہے۔اےس ڈی جی بھارت انڈیکس، 2019 کے مطابق بہار، جھارکھنڈ اور اروناچل پردیش کا مظاہرہ خراب رہا ۔ پالیسی کمیشن کے ایگزیکٹیو افسر امیتابھ کانت نے انڈیکس جاری کرتے ہوئے کہا کہ اقوام متحدہ کا 2030 کا اےس ڈی جی بھارت کے بغیر کبھی بھی حاصل نہیں کیا جا سکتا۔ہم بہتر ترقی کے اقوام متحدہ میں طے شدہ اہداف کو حاصل کرنے کے کیلئے مکمل طور پر پرعزم ہیں۔ رپورٹ کے مطابق یوپی، اڑیسہ اور سکم میں 2018 کے تناسب میں اچھی پیش رفت دیکھنے کو ملی جبکہ گجرات جیسی ریاستوں میں کوئی تبدیلی نہیں ہوئی۔خیال رہے کہ رپورٹ کے مطابق صوبہ بہار کی تمام ریاستوں کے مقابلے میں ’خراب ‘ اور مایوس کن رہی ہے ۔
