شہریت ترمیمی ایکٹ کو لے کر پورا ملک سراپا احتجاج مگر امت شاہ کی رعونت میں کوئی تبدیلی نہیں، کہا – سی اے اے پر حکومت پیچھے نہیں ہٹے گی 

مرکزی وزیر داخلہ امت شاہ نے راجستھان کے شہر جودھپور میں ایک جلسے سے خطاب کرتے ہوئے کہا کہ ‘چاہے تمام اپوزیشن جماعتیں متحد ہوجائیں لیکن حکومت سی اے اے کے فیصلے پر ایک انچ بھی پیچھے نہیں ہٹے گی۔

وزیر داخلہ امت شاہ نے شہریت ترمیمی قانون کی حمایت میں راجستھان کے شہر جودھپور میں ایک جلسے سے خطاب کرتے ہوئے کہا کہ ‘حکومت شہریت ترمیمی قانون کے اپنے فیصلے پر قائم ہے اور رہے گی چاہے تمام سیاسی جماعتیں متحد کیوں نا ہوجائیں حکومت کا فیصلہ تبدیل ہونے والا نہیں ہے۔

جلسے میں انہوں نے کانگریس کے سابق صدر راہل گاندھی کو نشانہ بناتے ہوئے کہا کہ اگر آپ (راہل گاندھی) نے قانون پڑھا ہے تو پہلے سی اے اے کے بارے میں پوری معلومات حاصل کریں اور اگر قانون نہیں پڑھا ہے تو میں اٹلی کی زبان میں ترجمہ کروا کے دینے کے لیے تیار ہوں۔

Union Home Minister Amit Shah in Jodhpur: Even if all these parties come together, BJP will not move back even an inch on this issue of #CitizenshipAmendmentAct. You can spread as much misinformation as you want. #Rajasthan pic.twitter.com/aQOz4WKczm

— ANI (@ANI) January 3, 2020

امت شاہ نے مزید کہا کہ ‘میں کانگریس، ممتا بنرجی، سماجوادی پارٹی، بہوجن سماج پارٹی غرض کہ تمام حزب اختلاف جماعتیں جو سی اے اے کے خلاف احتجاج کر رہی ہیں، انہیں چیلینج کرتا ہوں کہ وہ ثابت کریں کہ شہریت ترمیمی قانون سے اقلیتوں کا نقصان ہوگا۔

जोधपुर, राजस्थान में नागरिकता संशोधन कानून पर केंद्रीय गृह मंत्री अमित शाह : राहुल बाबा कानून पढ़ा है, तो कहीं पर भी चर्चा करने के लिए आ जाओ। नहीं पढ़ा है तो मैं इटैलियन में इसका अनुवाद करके भेज देता हूं, उसको पढ़ लीजिए। pic.twitter.com/Fk0BVqkymq

— ANI_HindiNews (@AHindinews) January 3, 2020

وزیر داخلہ نے کہا کہ اگر تمام حزب اختلاف جماعتیں متحد ہوجائیں تب بھی بھارتیہ جنتا پارٹی شہریت ترمیمی قانون کے اپنے فیصلے پر ایک انچ بھی پیچھے نہیں ہٹے گی۔