انعام حاصل کرنے والوں میں ہندی، آسامی، بنگلہ، کنڑ، ملیالم، مراٹھی، نیپالی، تامل، تیلگو، گجراتی، اڑیہ ، اردو ، انگریزی کے اخبارات اور ریڈٰیو اور ٹیلی ویڑن چینل شامل ہیں۔ اخبارات میں مڈ ڈے (گجراتی)، ممبئی؛ ادے وانی (کنڑ)، بنگلور اور روزنامہ راشٹریہ سہارا (اردو)، نوئیڈا کو بھی نوازا گیا
نئی دہلی (ملت ٹائمز)
مرکزی وزارت برائے اطلاعات ونشریات حکومت ہندکی جانب سے منتخب صحافیوں کو آج مرکزی وزیر برائے اطلاعات و نشریات پرکاش جاوڈیکرکے ہاتھوں ملک کے مختلف حصوں سے آئے 30 میڈیا اداروں کے نمائندوں کو اعزاز سے نوازا۔ محکمہ آیوش کے مرکزی وزیر شری پد یشو نائیک بھی اس موقع پر ان کے ساتھ موجود تھے۔ ایوارڈ حاصل کرنے والوں میںارریہ سے تعلق رکھنے والے اورروزنامہ راشٹریہ سہارادہلی کے سینئر سب ایڈیٹر ڈاکٹرعبدالقادرشمس بھی شامل ہیں۔واضح ہوکہ 132میں سے جن 30افرادکو میڈیاایوارڈ کے لئے منتخب کیاگیاتھاان میں اردوزبان سے وابستہ صحافی صرف ڈاکٹرعبدالقادرشمس تھے۔ مختلف زبانوں کے 11 ریڈیو چینل، 11 اخبارات اور آٹھ ٹیلی ویڑن چینل شامل ہیں۔ ریڈیو چینلوں کے زمرے میں آل انڈیا ریڈیو دہلی سمیت ریڈیو کے سات مراکز /چینلوں اور چار پرائیوٹ چینلوں کو اعزاز سے نوازا گیا۔ ٹیلی ویڑن چینلوں میں ڈی ڈی نیوز سمیت دوردرشن کے چار چینلوں / اکائیوں اور پانچ پرائیوٹ چینلوں کو منتخب کیا گیا۔ 
پریس کونسل آف انڈیا کے چیرمین جسٹس (ریٹائرڈ) سی کے پرساد کی صدارت والے چھ رکنی سلیکشن بورڈ نے پہلے ”انٹرنیشنل یوگا ڈے میڈیا ایوارڈ“کے لئے 16 ہندوستانی زبانوں اور انگریزی زبان میں موصولہ 132 اندراجات میں سے 30 کا انتخاب اعزاز کے لئے کیا۔
اس موقع پر مسٹر جاوڈیکر نے کہا کہ معاشرے کے وسیع مفاد میں جن چیزوں کو سمجھنا اور جاننا معاشرے کے لئے ضروری ہے ان کا مشن موڈ میں تشہیر کرنے کا کام بھی میڈیا ہا¶س کرتے ہیں اور یہ اعزاز انہی کاموں کے لئے ہے۔ یہ خبریں، نقطہ نظر اور اشتہارات سے کہیں آگے کی چیز ہے اور اس لئے یہ منفرد ہے۔انہوں نے کہا کہ کچھ میڈیا ہا¶س پانی کے لئے ، کچھ بجلی کی بچت کے لئے ، کچھ شجر کاری کے لئے مہم چلاتے ہیں۔ معاشرے کے لئے جو اچھا ہے اس کی تشہر کرنا میڈیا کا کام ہے۔ آزادی سے پہلے آزادی کے لئے میڈیا نے مہم چلائی تھی۔ جمہوریت کا یہ حصہ ہے کہ صحت اور تعلیم اچھی ہو، سبھی سہولیات بہترین ہوں، حکومت حسن طریقے سے چلے ، انصاف فراہم کرنے کا نظام ٹھیک ہو۔ اس کے لئے مختلف اقسام کے پروگرام میڈیا ہا¶س کریں، یہ بہت اہم بات ہے۔
انعام حاصل کرنے والوں میں ہندی، آسامی، بنگلہ، کنڑ، ملیالم، مراٹھی، نیپالی، تامل، تیلگو، گجراتی، اڑیہ ، اردو ، انگریزی کے اخبارات اور ریڈٰیو اور ٹیلی ویڑن چینل شامل ہیں۔ اخبارات میں مڈ ڈے (گجراتی)، ممبئی؛ ادے وانی (کنڑ)، بنگلور اور روزنامہ راشٹریہ سہارا (اردو)، نوئیڈا کو بھی نوازا گیا۔ آیوش کے وزیر شر¸ پد نائیک نے بھی خطاب کیا۔پریس کونسل آف انڈیاکے چیئرمین جسٹس پرساد نے کہاکہ یوگا کی تشہیر میں میڈیا کے کردار کی تعریف کرتے ہوئے انہوں نے کہا کہ سلیکشن بورڈ کے لئے 132 اندراجات میں سے 30 کا انتخاب کرنا کافی مشکل تھا ۔
