اٹلی میں کورونا وائرس (کووڈ 19) کے انفیکشن پھیلنے سے حالات بد سے بدتر ہوتے جا رہے ہیں اور گزشتہ 24 گھنٹوں میں 427 لوگوں کی اس وبا سے موت ہو گئی ہے جبکہ چین میں اب تک کل 3245 لوگوں کی موت ہوئی ہے
روم: اٹلی میں کورونا وائرس (کووڈ 19) کے انفیکشن پھیلنے سے حالات بد سے بدتر ہوتے جا رہے ہیں اور گزشتہ 24 گھنٹوں میں 427 لوگوں کی اس وبا سے موت ہو گئی ہے جبکہ چین میں اب تک کل 3245 لوگوں کی موت ہوئی ہے۔
اٹلی کے صحت افسروں نے جمعرات کو یہ اطلاع دی۔ انہوں نے بتایا کہ پچھلے 24 گھنٹوں کے دوران 427 لوگوں کی موت کے بعد ملک میں مرنے والوں کی تعداد بڑھکر 3405 ہو گئی ہے۔ اٹلی میں اب چین سے بھی زیادہ اس وبا کا اثر ہے جس سے وہاں زیادہ لوگوں کی موت ہوئی ہے۔
شہری سلامتی کے محکمے کی طرف سے جاری کئے گئے تازہ اعدادو شمار کے مطابق اٹلی میں اب تک 41035 لوگوں کو کورونا وائرس انفیکشن ہو چکا ہے اور تقریباً 4400 شہری اس سے انفیکشن میں مبتلا ہیں۔ 14 ہزار 935 افراد کو ان کے گھروں میں الگ تھلگ رکھا گیا ہے جبکہ بدھ کو 12 ہزار 90 لوگوں کو گھر میں رکھا گیا تھا۔
محکمہ نے بتایا کہ کورونا وائرس سے متعلق علامات پائے جانے کے بعد 15 ہزار 757 لوگوں کو اسپتالوں میں داخل کیا گیا اور تقریباً دو ہزار 498 لوگوں کی حالت بےحد نازک بنی ہوئی ہے جنہیں آئی سی یو میں سخت نگرانی میں رکھا گیا ہے۔
اٹلی میں کورونا وائرس کا خطرہ تھمنے کا نام نہی لے رہا ہے۔اٹلی میں ابھی تک سب سے زیادہ 3405 لوگوں کی موت ہوچکی ہے جبکہ چین میں اب تک 3245 لوگوں کی وائرس کی زد میں آنے سے موت ہوئی ہے اور 80 ہزار 967 لوگ وائرس سے انفیکٹڈ ہیں۔
پوری دنیا میں خطرناک وائرس سے اب تک 9291 لوگوں کی موت ہو چکی ہے اور دو لاکھ 27 ہزار 203 لوگ اس وائرس سے متاثر ہوئے ہیں۔ عالمی ادارہ صحت (ڈبلی وایچ او) نے کورونا وائرس کے بڑھتے خطرے کے درمیان 11 مارچ کو کووڈ 19 کو عالمی وبا قرار دے دیا تھا۔