کورونا کیسز میں پھر ریکارڈ توڑ اضافہ، ایک دن میں 2 لاکھ 60 ہزار سے زیادہ معاملے، 1501 اموات

گزشتہ 24 گھنٹوں کے دوران ہندوستان میں کورونا وائرس کے 260778 معاملے رپورٹ ہوئے ہیں جبکہ 1495 لوگوں کی اس وبا سے جان چلی گئی

نئی دہلی: کورونا وائرس کی وبا ہندوستان میں پوری طرح بے قابو ہو چکی ہے اور ہر روز خوف ناک طور پر نئے معاملوں کی تعداد میں ریکارڈ اضافہ ہو رہا ہے۔ ورلڈو میٹر ویب سائٹ کے مطابق گزشتہ 24 گھنٹوں کے دوران ہندوستان میں کورونا وائرس کے 260778 معاملے رپورٹ ہوئے ہیں جبکہ 1495 لوگوں کی اس وبا سے جان چلی گئی۔

India reports 2,61,500 new #COVID19 cases, 1,501 fatalities and 1,38,423 discharges in the last 24 hours, as per Union Health Ministry

Total cases: 1,47,88,109
Active cases: 18,01,316
Total recoveries: 1,28,09,643
Death toll: 1,77,150

Total vaccination: 12,26,22,590 pic.twitter.com/poAunmqGzW

— ANI (@ANI) April 18, 2021

تاہم، مرکزی وزارت صحت کی جانب سے اتوار کی صبح جاری کئے گئے اعداد و شمار میں مریضوں اور اموات کی تعداد اور زیادہ بتائی گئی ہے۔ وزارت صحت کے مطابق گزشتہ 24 گھنٹوں کے دوران ہندوستان میں کورونا وائرس کے 261500 معاملے رپورٹ ہوئے ہیں جبکہ 1501 لوگوں کی اس وبا سے جان چلی گئی۔
نئے معاملے کی تشخیص کے بعد ہندوستان میں کورونا کیسز کی مجموعی تعداد 1478809 ہو گئی ہے۔ جبکہ 177150 افراد جان بحق ہو چکے ہیں۔ اب تک 12809643 افراد اس مرض کو مات دے چکے ہیں اور فی الحال 1801316 مریض زیر علاج ہیں۔ تاحال 122622590 افراد کورونا کی ویکسین حاصل کر چکے ہیں۔