راہل گاندھی، اروند کیجریوال، ممتا بنرجی اور پرینکا گاندھی سمیت متعدد سیاسی ہستیوں نے ان کے جلد صحت یاب ہونے کی دعاء کی ہے۔
نئی دہلی: (ملت ٹائمز) ہندوستان کے سابق وزیر اعظم اور ماہر معیشت ڈاکٹر منموہن سنگھ کورونا کی زد میں آ گئے ہیں۔ موصولہ اطلاعات کے مطابق انھیں دہلی واقع ایمس کے ٹراما سنٹر میں داخل کرایا گیا ہے۔ یہ خبر پھیلنے کے بعد کانگریس کے سابق صدر راہل گاندھی، دہلی کے وزیر اعلیٰ اروند کیجریوال، مغربی بنگال کی وزیر اعلیٰ ممتا بنرجی اور کانگریس جنرل سکریٹری پرینکا گاندھی سمیت متعدد سیاسی ہستیوں نے ان کے جلد صحت یاب ہونے کی دعاء کی ہے ۔
पूर्व प्रधानमंत्री डॉ मनमोहन सिंह जी की अच्छी सेहत और जल्द स्वस्थ होने की ईश्वर से कामना करता हूँ। https://t.co/yvy6EByJ51
— Arvind Kejriwal (@ArvindKejriwal) April 19, 2021
واضح رہے کہ سابق وزیر اعظم منموھن سنگھ ویکسین کی دونوں خوراک لے چکے تھے، پھر بھی آج پانچ بجے شام کوڈ پازیٹیو ہوکر ایمس دہلی میں داخل ہوگئے ہیں، ایک یوزر نے لکھا ہے کہ ویکسین کی حقیقت صاف ہونی چاہیئے ۔
یہاں قابل ذکر ہے کہ 18 اپریل کو ہی منموہن سنگھ نے کورونا بحران کے تعلق سے وزیر اعظم نریندر مودی کو ایک چٹھی لکھی تھی۔ اس چٹھی کے ذریعہ انھوں نے حکومت کو کئی مشورے دیےتھے۔ خط میں منموہن سنگھ نے لکھا تھا کہ حکومت کو یہ بتانا چاہیے کہ الگ الگ ویکسین کا کیا اسٹیٹس ہے۔ انھوں نے یہ بھی کہا کہ حکومت کو یہ اشارہ دینا چاہیے کہ شفاف فارمولے کی بنیاد پر ریاستوں میں ان کی حسب ضرورت فراہمی کو کیسے طے کیا جائے گا۔