امریکہ کی اس ایڈوائزری کے بعد کورونا کا خوف اور بڑھ گیا ہے۔ واضح رہےاس ایڈوائزری میں امریکہ نےاپنے شہریوں کو ہندوستان سفر نہ کرنے کے لئے بھی کہا ہے۔
ہندوستان میں کورونا کے بڑھتے معاملوں کو دیکھتے ہوئے کئی ممالک نے پہلے پروازیں بند کر دی تھیں لیکن اب امریکہ نے جو ہندوستان میں رہ رہے اپنے شہریوں سے کہا ہے کہ وہ ہندوستان سےواپس آ جائیں اس کو بہت اہم کہا جا رہا ہے ۔ امریکہ کی اس ایڈوائزری کے بعد کورونا کا خوف اور بڑھ گیا ہے۔ اس کے ساتھ امریکہ نے اپنے شہریوں کو ہندوستان سفر نہ کرنے کےلئے بھی کہا ہے۔
امریکہ کے ساتھ جرمنی اور کناڈا نے بھی اپنے شہریوں کے لئےاسی طرح کی ایڈوائزری جاری کی ہے ۔دونوں ممالک نے بھی اپنے شہریوں کو ہندوستان سفر نہ کرنے کے لئے کہا ہے اور اپنے شہریوں کو واپس آنے کے لئے کہا ہے۔ کناڈا نے ہندوستان سےآ رہے اپنے شہریوں پربھی کئی طرح کی پابندی لگائی ہیں ۔ کناڈا نے ہندوستان سے آنے والی تمام پروازوں پر 30 دن کے لئے پابندی لگا دی ہے۔ اس کے ساتھ ہی تیسرے ملک سے کناڈا آ رہے لوگوں کو پہلے وہاں کی کورونا نیگیٹو رپورٹ دکھانی ہوگئی۔
جرمنی نے بھی سختی کرتے ہوئے اعلان کیا ہے کہ ہندوستان کا سفر کر چکے لوگوں کےداخلہ پر دس دن کی پابندی لگائی گئی ہے بھلے ہی ان کے پاس ویلڈ ویز ا کیوں نہ ہو ۔ سبھی ممالک نے ہندوستان میں کورونا کے بڑھتے معاملوں کو وجہ بتایا ہے۔ جبکہ ایسے حالات میں ایسی ایڈوائزری جاری کرنا کوئی نئی بات نہیں ہے لیکن امریکہ کا اپنے شہریوں کے لئے ایڈوائزری جاری کرنے کو انتہائی اہم سمجھا جارہا ہے اور اس کا دوسرےممالک کی پالیسی پر بھی اثر پڑ سکتا ہے ۔
واضح رہےہندوستان میں کورونا کی دوسری لہر میں جو شدت آئی ہےاس کے بعد کئی ممالک نے ہندوستان کی مدد کےلئے ہاتھ بڑھایا ہے۔ ان ممالک کی اس مدد نے جہاں وبا کی شدت پر روشنی ڈالی ہے وہیں ہندوستان کے انتظامات کی بھی پول کھولی ہے۔
