ہند کا قاہرہ ہے کلکتہ

غزل

ads

یوں بھی اچھا لگا ہے کلکتہ

ہند کا قاہرہ ہے کلکتہ

دور بیٹھی ہوں مصر میں لیکن

 دل مرا دیکھتا ہے کلکتہ

بڑھ کے لفظوں نے خود قلم چوما

میں نے جب جب لکھا ہے کلکتہ

جیسے ہوتی ہے پھول میں خوشبو

دل میں ایسے بسا ہے کلکتہ

شہر ہے یہ ادب نوازوں کا  

سب کا دل کھینچتا ہے کلکتہ

مرزا غالب کو پڑھ کے دیکھو تو

  شاعری بن گیا ہے کلکتہ

یاد رکھا ولا کو لوگوں نے

کس قدر با وفا ہے کلکتہ

شاعرہ  ڈاکٹر ولاء جمال العسیلی

(ایسو سی ایٹ پروفیسر  شعبۂ اردو عین شمس یونیورسٹی) 

SHARE
جناب ظفر صدیقی ملت ٹائمز اردو کے ایڈیٹر اور ملت ٹائمز گروپ کے بانی رکن ہیں