کانپورمیں بس اور لوڈر کی زبردست ٹکر میں کم از کم17 افرد ہلاک ہو گئے۔ دونوں میں ٹکر کے بعد بس پل کے نیچےگر گئی۔
دل دہلانے والےسڑک حادثہ میں کم از کم 17لوگوں کے مرنے کی خبر ہے اور کئی لوگ شدید زخمی ہیں ۔ زخمیوں کو اسپتال منتقل کر دیا گیا ہے جہاں ان کا علاج چل رہا ہے۔ سڑک حادثہ اتر پردیش کے کانپور میں پیش آیا ۔ واضح رہے اس زبردست ایکسیڈنٹ میں بس بےقابو ہوگئی اور پل سے نیچے گر گئی ۔
خبر ہے کہ حادثہ کانپور کے تھانے سنچیڈی کے پاس ایک بسکٹ فیکٹری کےسامنےہوا ۔پولیس کے مطابق چار زخمیوں کا علاج ہالیٹ اسپتال میں چل رہا ہے۔جس بس کا ایکسیڈنٹ ہوا ہے وہ بس لکھنؤ سے دہلی جا رہی تھی۔
وزیر اعظم نےاس حادثہ پر اظہار افسوس کرتے ہوئےمرنے والوں کے اہل خانہ کو دو دو لاکھ روپے کا معاوضہ دینے کا اعلان کیا ہے۔ وزیر اعظم نریندر مودی نے زخمیوں کےصحت یاب ہونے کی دعا کی ہے اور زخمیوں کو پچاس پچاس ہزار روپے کا معاوضہ دینے کا اعلان کیا ہے۔
