نئی دہلی: کانگریس لیڈر راہل گاندھی کا ٹوئٹر اکاؤنٹ عارضی طور پر معطل کردیا گیا ہے ، پارٹی نے اپنے آفیشل اکاؤنٹ کے ذریعے ایک ٹویٹ میں اس بات کی اطلاع دی ہے۔ کانگریس نے کہا کہ اس کی بحالی کے لیے مناسب اقدامات آٹھائے جا رہے ہیں۔ اس وقت تک وہ آپ کے تمام دوسرے پلیٹ فارمز کے ذریعے آپ کے ساتھ جڑے رہیں گے اور ہمارے لوگوں کے لیے آواز بلند کرتے رہیں گے اور ان کے مقصد کے لیے لڑتے رہیں گے۔ جے ہند!
Shri @RahulGandhi’s Twitter account has been temporarily suspended & due process is being followed for its restoration.
Until then, he will stay connected with you all through his other SM platforms & continue to raise his voice for our people & fight for their cause. Jai Hind!
— Congress (@INCIndia) August 7, 2021
دراصل ذرائع کا کہنا ہے کہ دہلی میں مبینہ زیادتی اور قتل کیس کی نو سالہ متاثرہ لڑکی کے والدین کے ساتھ ملاقات کی تصویر ٹوئٹر پر شیئر کرنے پر راہل گاندھی کا اکاؤنٹ معطل کر دیا گیا ہے۔ قابل ذکر بات یہ ہے کہ ٹوئٹر نے جمعہ کی رات راہل گاندھی کی اس پوسٹ کو ہٹا دیا تھا، جب راہل گاندھی نے یہ تصویر شیئر کی تھی۔ اس کے بعد بچوں کے حقوق کے قومی کمیشن نے ٹویٹر اور دہلی پولیس کو ایک خط بھیج کر اس معاملے میں کارروائی کے کہا تھا ۔
