دہلی کی آب و ہوا انتہائی خراب، غازی آباد اور نوئیڈا بھی آلودہ ترین شہروں میں شامل

160

ملک کے آلودہ ترین 10 شہروں میں سے پانچ ہریانہ اور تین اتر پردیش سے وابستہ ہیں، ساتھ ہی ان میں راجستھان کا ایک شہر اور ملک کی راجدھانی دہلی بھی شامل ہے۔ آلودہ ترین شہروں میں باغپت سر فہرست پایا گیا ہے

نئی دہلی: ملک کے کئی شہروں میں فضائی آلودگی کے سبب صورت حال لگاتار بگڑ رہی ہے۔ ایک مرتبہ پھر دہلی کے علاوہ ہریانہ اور اتر پردیش کے کئی شہروں میں بھی آلودگی خطرناک سطح تک پہنچ گئی ہے۔ ملک کے آلودہ ترین شہروں میں اتر پردیش کا شہر باغپت سرِ فہرست ہے۔

ملک کے آلودہ ترین شہروں میں اتر پردیش کے تین شہر شامل ہیں۔ عالم یہ ہے کہ باغپت میں ایئر کوالٹی انڈیکس 400 سے تجاوز کر چکی ہے۔ آلودگی کے لحاظ سے یہ صورت حال انتہائی خطرناک مانی جاتی ہے۔ وہیں دہلی کی ہوا بھی خراب ہو چکی ہے۔ اس فہرست میں غازی آباد، نوئیڈا اور این سی آر کے علاقے بھی شامل ہیں۔ آلودہ ترین 10 شہروں میں ےس دیگر 9 کی حالت بھی اچھی نہیں ہے۔ تمام شہروں میں اے کیو آئی 300 سے 400 کے بیچ ہے۔

ایئر کوالٹی انڈیکس کے مطابق ، غازی آباد کا اے کیو آئی 393 ہے جو ملک کے آلودہ ترین شہروں میں دوسرے نمبر پر ہے۔ اسی وقت، پانی پت (393) تیسرے مقام پر ، نوئیڈا (364) چوتھے مقام پر، گڑگاؤں (351) پانچویں مقام پر اور دہلی (351) چھٹے نمبر پر ہے۔ اس کے بعد بالترتیب بھیواڑی (347)، فرید آباد (338) ، مانیسر (334) اور بلبھ گڑھ (320) موجود ہیں۔

ایئر کوالٹی انڈیکس میں آلودگی کی سطح 0-50 کو بہترین سمجھا جاتا ہے۔ دوسری طرف، 51-100 اطمینان بخش، 101-200 درمیانہ، 201-300 خراب، 301-400 انتہائی خراب اور 400-500 شدید سمجھا جاتا ہے۔

(بشکریہ قومی آواز) 

SHARE
ملت ٹائمز میں خوش آمدید ۔ اپنے علاقے کی خبریں ، گراﺅنڈ رپورٹس اور سیاسی ، سماجی ،تعلیمی اورادبی موضوعات پر اپنی تحریر آپ براہ راست ہمیں میل کرسکتے ہیں ۔ millattimesurdu@gmail.com