حجاب معاملے میں کرناٹک ہائی کورٹ کے فیصلے سے غیر مطمئن متعدد سماجی تنظیموں، دانشوران اور علماء کرام کی جانب سے 17 مارچ کو کرناٹک بند کا اعلان کیا گیا ہے۔
بنگلور: حجاب معاملے میں کرناٹک ہائی کورٹ کے فیصلے کو اینٹی کانسٹیٹیوشنل قرار دیتے ہوئے کرناٹک کے متعدد سماجی تنظیموں، دانشوران اور علماء کرام کی جانب سے 17 مارچ کو پرامن طریقے سے کرناٹک بند کا اعلان کیا گیا ہے ۔
حجاب معاملہ پر پاپولر فرنٹ کا کرناٹک بند کی حمایت کرناٹک بند کو ریاست کی کئی بڑی سماجی تنظیمیں، جماعت اسلامی کرناٹک اور پاپیولر فرنٹ کرناٹک نے اپنے حمایت کا اعلان کیا ہے اس کے علاوہ سیاسی جماعتوں میں ڈبلیو پی آئی اور ایس ڈی پی آئی نے بھی اس بند کی حمایت کی ہے۔
اس سلسلے میں پاپیولر فرنٹ کرناٹک کے صدر یاسر حسن اور ویلفیئر پارٹی کرناٹک کے صدر ایڈووکیٹ طاہر حسین نے عوام سے اور خاص طور پر مسلمانوں سے اپیل کی کہ وہ اس پرامن بندی میں کثیر تعداد میں شرکت کرکے کامیاب بنائیں۔
