ممبئی: مہاراشٹر میں ہونے والے راجیہ سبھا انتخابات میں بھارتیہ جنتا پارٹی کو شکست دینے کے لیے اے آئی ایم آئی ایم نے ریاست کی موجودہ حکومت مہا وکاس اگھاڑی کی حمایت کرنے کا فیصلہ کیا ہے۔ معلومات دیتے ہوئے مہاراشٹر اے آئی ایم آئی ایم کے صدر امتیاز جلیل نے کہا ہے کہ بی جے پی کو شکست دینے کے لیے ہماری پارٹی اے آئی ایم آئی ایم نے مہاراشٹر میں راجیہ سبھا انتخابات میں مہا وکاس اگھاڑی (ایم وی اے) کو ووٹ دینے کا فیصلہ کیا ہے۔ ہمارے اے آئی ایم آئی ایم مہاراشٹر کے 2 ایم ایل اے سے کہا گیا ہے کہ وہ کانگریس امیدوار عمران پرتاپ گڑھی کو ووٹ دیں۔
हमने धूलिया और मालेगांव में अपने विधायक निर्वाचन क्षेत्रों के विकास से संबंधित कुछ शर्तें रखीं। साथ ही सरकार से एमपीएससी में अल्पसंख्यक सदस्य नियुक्त करने और महाराष्ट्र वक्फ बोर्ड की आय बढ़ाने के लिए कदम उठाने की मांग की। साथ ही मुसलमानों के लिए आरक्षण की मांग की। @asadowaisi
— Imtiaz Jaleel (@imtiaz_jaleel) June 10, 2022
اس کے علاوہ ہم نے دھولیہ اور مالیگاؤں میں اپنے حلقوں کی ترقی سے متعلق کچھ شرائط رکھی ہیں۔ اس کے ساتھ ہی حکومت سے مطالبہ کیا گیا ہے کہ وہ MPSC میں اقلیتی ارکان کی تقرری کرے اور مہاراشٹر وقف بورڈ کی آمدنی بڑھانے کے لیے اقدامات کرے اور مسلمانوں کے لیے ریزرویشن کا بھی مطالبہ کیا ہے۔ ٹویٹس کی ایک سیریز میں، انہوں نے لکھا کہ بی جے پی کو شکست دینے کے لیے، ہماری پارٹی نے مہاراشٹر میں راجیہ سبھا انتخابات میں مہا وکاس اگھاڑی (ایم وی اے) کو ووٹ دینے کا فیصلہ کیا ہے۔ تاہم ہمارے سیاسی اور نظریاتی اختلافات برقرار رہیں گے۔
