ادے پور میں بے رحمانہ قتل، ریاست میں 24 گھنٹے کے لیے انٹرنیٹ سروس پر پابندی، دفعہ 144 نافذ

راجستھان کے ادے پور میں درزی کے بہیمانہ قتل کے بعد حکومت نے سخت کارروائی کی ہے۔ امن و امان کو مدنظر رکھتے ہوئے پورے ادے پور میں دفعہ 144 نافذ کر دی گئی ہے۔ اس کے علاوہ ریاست بھر میں انٹرنیٹ خدمات 24 گھنٹے کے لیے معطل کر دی گئی ہیں اور اگلے ایک ماہ کے لیے تمام اضلاع میں دفعہ 144 نافذ کر دی گئی ہے۔ ادھر کنہیا لال کا پوسٹ مارٹ آج کیا جائے گا۔

منگل کو ادے پور میں ایک درزی کو سوشل میڈیا پر بی جے پی کی معطل ترجمان نوپور شرما کی مبینہ حمایت کرنے پر قتل کر دیا گیا تھا۔ دونوں حملہ آوروں نے اس واقعے کو کیمرے میں بھی ریکارڈ کیا۔ ایک اور ویڈیو پوسٹ میں کہا کہ انہوں نے اسلام کی توہین کا بدلہ لیا ہے۔ بعد میں انہیں پولیس نے گرفتار کر لیا تھا۔