مہاراشٹر بحران: شیوسینا نے فلور ٹیسٹ کے فیصلے کو سپریم کورٹ میں کیا چیلنج، شام 5 بجے ہوگی سماعت

شیوسینا کے چیف وہپ سنیل پربھو نے سپریم کورٹ میں عرضی داخل کی ہے۔ درخواست میں گورنر بھگت سنگھ کوشیاری کی طرف سے ادھو حکومت کو 30 جون کو مہاراشٹر سدن میں اکثریت ثابت کرنے کے لئے دی گئی ہدایت کو چیلنج کیا گیا ہے۔ سپریم کورٹ نے درخواست کی سماعت کے لیے رضامندی ظاہر کر دی ہے۔ شیوسینا کی عرضی پر آج شام 5 بجے سماعت ہوگی۔

Supreme Court agrees to hear at 5 pm plea of Shiv Sena chief whip Sunil Prabhu challenging Maharashtra Governor Bhagat Singh Koshyari's direction to Chief Minister Uddhav Thackeray to prove his majority support on the floor of the House on June 30.#MaharashtraPolitcalCrisis pic.twitter.com/3PqhbmDWZ2

— ANI (@ANI) June 29, 2022

سینئر وکیل ابھیشیک منو سنگھوی نے شیو سینا کی طرف سے پیش ہوکر سپریم کورٹ کے سامنے شیو سینا کے چیف وہپ سنیل پربھو کی عرضی کا ذکر کیا اور آج فوری سماعت کا مطالبہ کیا۔ انہوں نے کہا کہ فلور ٹیسٹ غیر قانونی ہے۔

We will go to the Supreme Court (against the Maharashtra Governor’s decision to call for a floor test). This is an unlawful activity as the matter of disqualification of our 16 MLAs is pending in SC. The Governor was waiting for this moment only: Shiv Sena MP Sanjay Raut pic.twitter.com/nnqBLBPFqD

— ANI (@ANI) June 29, 2022

شیوسینا کے رکن پارلیمنٹ سنجے راوت نے سپریم کورٹ میں عرضی دینے سے پہلے مہاراشٹر کے گورنر کے ذریعہ فلور ٹیسٹ طلب کرنے کے فیصلے پر کہا کہ یہ ایک غیر قانونی سرگرمی ہے کیونکہ ہمارے 16 ایم ایل ایز کی نااہلی کا معاملہ سپریم کورٹ میں زیر التوا ہے۔ سنجے راوت نے کہا کہ گورنر صرف اسی لمحے کا انتظار کر رہے تھے۔ اطلاعات کے مطابق مہاراشٹر کے گورنر نے سی ایم ادھو ٹھاکرے سے کل اپنی اکثریت ثابت کرنے کو کہا ہے۔

مہاراشٹر کے سابق وزیر اعلیٰ فڑنویس نے کل کہا تھا کہ ہم نے گورنر کو ایک خط پیش کیا ہے، جس میں ان سے درخواست کی گئی ہے کہ وہ حکومت سے ایوان میں اکثریت ثابت کرنے کو کہیں۔ دیویندر فڑنویس نے گورنر بھگت سنگھ کوشیاری سے ملاقات کرنے سے پہلے مرکزی وزیر داخلہ امت شاہ اور بی جے پی صدر جے پی نڈا سے ملاقات کی تھی۔