مہنگائی کے خلاف کانگریس کے احتجاجی مارچ پر پولیس کی کارروائی، راہل-پرینکا سمیت متعدد لیڈران زیر حراست

پرینکا گاندھی کو بھی دہلی پولیس نے حراست میں لے لیا ہے۔ جس وقت انہیں حراست میں لیا گیا وہ کانگریس دفتر کے باہر احتجاج کر رہی تھیں۔ خاتون پولیس اہلکاروں نے اس دوران ان کے ساتھ نازیبا سلوک کیا اور گھسیٹ کر کار میں ڈالا۔

مہنگائی، بے روزگاری اور جی ایس ٹی کے غلط نفاذ کے خلاف کانگریس کا ملک گیر احتجاج جاری ہے۔ دریں اثنا، دہلی پولیس نے کانگریس لیڈر راہل گاندھی سمیت متعدد پارٹی لیڈران کو حراست میں لے لیا، جس کے بعد کانگریس کے کئی ممبران پارلیمنٹ وجے چوک پر دھرنے پر بیٹھ گئے۔

راہل گاندھی کانگریس کے ارکان پارلیمنٹ کے ساتھ پارلیمنٹ ہاؤس سے راشٹرپتی بھون تک مارچ نکال رہے تھے لیکن پولیس نے انہیں وجے چوک پر ہی روک دیا اور راہل گاندھی سمیت کئی لیڈروں کو حراست میں لے لیا گیا۔ پولس نے کانگریس کو اس مارچ کی اجازت نہیں دی تھی اور علاقے میں دفعہ 144 نافذ کی گئی ہے۔

SHARE
ملت ٹائمز میں خوش آمدید ۔ اپنے علاقے کی خبریں ، گراﺅنڈ رپورٹس اور سیاسی ، سماجی ،تعلیمی اورادبی موضوعات پر اپنی تحریر آپ براہ راست ہمیں میل کرسکتے ہیں ۔ millattimesurdu@gmail.com