پنجی: گوا کے ساحل پر ہندوستانی بحرایہ کے ایک ‘میگ 29 کے’ جنگی طیارے کے گر کر تباہ ہونے کی اطلاع ہے۔ رپورٹ کے مطابق یہ حادثہ اس وقت پیش آیا جب ایک پائلٹ گوا کے ساحل پر معمول کی پرواز پر تھا۔ حادثے کے وقت پائلٹ بروقت طیارہ سے باہر نکلنے میں کامیاب ہو گیا جس سے اس کی جان بچ گئی۔ طیارے کے گر کر تباہ ہونے سے عین قبل پائلٹ نے صورتحال کے پیش نظر سمندر میں چھلانگ لگا دی تھی۔
A MiG 29K fighter aircraft crashed over sea on a routine sortie off Goa coast after it developed a technical malfunction while returning to base. Pilot ejected safely & was recovered in a swift search & rescue operation. Pilot is reported to be in a stable condition: Indian Navy pic.twitter.com/CDyC1wBUHI
— ANI (@ANI) October 12, 2022
اس حادثے کے بعد ہندوستانی بحریہ نے تحقیقات کے احکامات جاری کر دیئے ہیں۔ حکام نے بتایا کہ حادثہ اس وقت پیش آیا جب طیارہ تکنیکی خرابی کے بعد واپس اڈے پر آ رہا تھا۔ اس سے قبل ہندوستانی فضائیہ کا ایک میگ 21 جنگی طیارہ رواں سال 29 جولائی کو راجستھان کے باڑمیر میں تربیتی پرواز کے دوران گر کر تباہ ہو گیا تھا۔ اس حادثے میں طیارے میں سوار دونوں پائلٹ جان بحق ہو گئے تھے۔ ان کی شناخت ہماچل پردیش کے منڈی ضلع کے ساندھول سے تعلق رکھنے والے ونگ کمانڈر موہت رانا اور جموں کے فلائٹ لیفٹیننٹ ادویتیا بال کے طور پر ہوئی تھی۔
