پانچ ریاستوں میں ایک لوک سبھا اور 6 اسمبلی سیٹوں پر بی جے پی کو جھٹکا لگا ہے۔ یوپی میں مین پوری لوک سبھا سیٹ پر سماجوادی پارٹی کی ڈمپل یادو کو برتری حاصل ہو گئی ہے۔ اس کے علاوہ رامپور اسمبلی سیٹ پر سماجوادی پارٹی کے عاصم رضا اور کھتولی سیٹ پر آر ایل ڈی کے مدن بھیا آگے چل رہے ہیں۔ اس کے علاوہ راجستھان کی سردار شہر سیٹ اور چھتیس گڑھ کی بھانو پرتاپ پور سیٹ پر کانگریس کے انیل شرما اور ساوتری منوج منڈاوی آگے ہیں۔ بہار کی کڈھنی سیٹ پر جے ڈی یو کے منوج کمار سنگھ اور اوڈیشہ کی پدم پور سیٹ پر بی جے ڈی کے برہم سنگھ آگے چل رہے ہیں۔ دلچسپ بات یہ ہے کہ ان تمام سیٹوں پر بی جے پی کے امیدوار پیچھے چل رہے ہیں۔
راجستھان کے سردارشہر میں کانگریس امیدوار انیل شرما آگے
راجستھان کی سردار شہر سیٹ پر کانگریس امیدوار انیل کمار شرما کو 30152 ووٹ حاصل ہوئے ہیں۔ بی جے پی امیدوار اشوک کمار کو 19300 جبکہ راشٹڑیہ لوک تانترک پارٹی کے امیدوار لال چند موند کو 19210 ووٹ حاصل ہو چکے ہیں۔
اوڈیشہ کی پدم پور سیٹ پر بی جے جنتا دل کی سبقت
اوڈیشہ کی پدم پور سیٹ پر بیجو جنتا دل کے امیدوار برہم سنگھ بریہا آگے چل رہے ہیں انہوں نے اب تک 15916 ووٹ حاصل کئے ہیں، جبکہ بی جے پی کے پردیپ پروہت کو 10150 ووٹ حاصل ہوئے ہیں۔
چھتیس گڑھ میں کانگریس میدوار کی برتری
چھتیس گڑھ کی بھانوپرتاپ پور سیٹ پر کانگریس امیدوار ساوتری منوج منڈاوی نے سبقت حاصل کر لی ہے۔ انہوں نے اب تک 13324 ووٹ حاصل کئے ہیں، جبکہ بی جے پی امیدوار برہمانند نیتام کو 5684 ووٹ حاصل ہوئے ہیں۔
بہار کی کڈھنی سیٹ پر جے ڈی یو امیدوار آگے
بہار کی کڈھنی سیٹ پر جے ڈی یو کے امیدوار مونج کمار سنگھ کو 18893 ووٹ حاصل ہو چکے ہیں جبکہ بی جے پی کے کیدار پرساد گپتا کو 18211 ووٹ مل چکے ہیں۔ دوونوں میں قریبی مقابلہ جاری ہے۔
رامپور سیٹ پر سماجوادی پارٹی کے عاصم رضا کو برتری حاصل
رامپور سیٹ پر سماجوادی پارٹی کے عاصم رضا نے بی جے پی کے امیدوار آکاش سکسینہ پر برتری حاصل کر لی ہے۔ یہاں سماجوادی پارٹی کو 7778 جبکہ آکاش سکسینہ کو 3930 ووٹ حاصل ہو چکے ہیں۔
مظفرنگر کی کھتولی سیٹ پر آر ایل ڈی کے مدن بھیا آگے
یوپی کے مظفرنگر ضلع کی کھتولی سیٹ پر آر ایل ڈی اور سماجوادی پارٹی کے مشترکہ امیدوار مدن بھیا بی جے پی امیدواور سے کافی آگے چل رہے ہیں۔ مدن بھیا کو اب تک 7882 ووٹ حاصل ہو چکے ہیں جبکہ بی جے پی کی امیدوار راجکماری کو 3870 ووٹ ہی حاصل ہوئے ہیں۔
راجستھان کی رسردار شہر سیٹ پر کانگریس کو 5 ہزار سے زیادہ ووٹوں کی برتری حاصل
راجستھان کے چورو ضلع میں سردارشہر اسمبلی سیٹ کے ضمنی انتخابات کی گنتی کے ابتدائی رجحانات میں کانگریس امیدوار اینل شرما نے 5000 سے زیادہ ووٹوں کی برتری حاصل کر لی ہے۔ دوسرے دور کی گنتی کے بعد انیل شرما بھارتیہ جنتا پارٹی کے امیدوار اشوک کمار سے 5300 سے زیادہ ووٹوں سے آگے ہیں۔
سماجوادی پارٹی کی ڈمپل یادو 4800 ووٹوں سے آگے
مین پوری لوک سبھا ضمنی انتخاب میں تیسرے دور کی گنتی کے بعد سماج وادی پارٹی (ایس پی) کی امیدوار ڈمپل یادو 4800 ووٹوں سے آگے ہیں۔ انہوں نے اپنے قریبی حریف بی جے پی کے رگھوراج شاکیہ پر برتری کو برقرار رکھا ہے۔
بہار کی کُڈھنی اسمبلی سیٹ پر ابتدائی رجحانات میں بی جے پی امیدوار آگے
بہار کے مظفر پور ضلع کی کُڈھنی اسمبلی سیٹ کے ضمنی انتخاب کے ابتدائی رجحانات میں بی جے پی کے کیدار گپتا تقریباً 2000 ووٹوں سے آگے ہیں۔ بی جے پی امیدوار کیدار گپتا کو 4194 ووٹ ملے ہیں جبکہ عظیم اتحاد کے امیدوار جے ڈی یو کے منوج کشواہا کو پہلے دور کی گنتی کے بعد 2195 ووٹ ملے ہیں۔
مین پوری میں سماجوادی پارٹی کی ڈمپل یادو لگاتار آگے
مین پوری سیٹ پر رجحانات میں سماج وادی پارٹی کی امیدوار ڈمپل یادو کی برتری برقرار ہے۔ جیسے جیسے اعداد و شمار آرہے ہیں ان کی برتری کا فرق بھی بڑھ رہا ہے۔ جسونت نگر اور کرہل دونوں میں ڈمپل کا غلبہ نظر آ رہا ہے۔
رامپور میں سماجوادی پارٹی کے امیدوار عاصم رضا آگے
رامپور اسمبلی سیٹ پر انتدائی رجحان میں سماجواید پارٹی کے عاصم رضا آگے چل رہے ہیں۔ بی جے پی کے امیدوار کو 1148 اور ایس پی امیدوار کو 1277 ووٹ حاصل ہو چکے ہیں۔ عاصم رضا 129 ووٹوں سے آگے ہیں، جبکہ بی جے پی امیدوار آکاش سکسینہ پیچھے چل رہے ہیں۔
انتدائی رجحانات میں سماجوادی پارٹی کی ڈمپل یادو آگے
سماجوادی پارٹی کی ڈمپل یادو ابتدائی رجحانات میں اتر پردیش کی مین پوری لوک سبھا سیٹ سے آگے چل رہی ہیں۔ یہاں بی جے پی امیدوار رگھوراج شاکیہ ان کے سامنے ہیں۔ یہاں بی جے پی اور سماج وادی پارٹی کے درمیان سخت مقابلہ ہو سکتا ہے۔
(بشکریہ قومی آواز)
