ہمارے مذہب میں بنایدی طور پر خواتین اور مردوں میں کسی قسم کا کوئی امتیاز نہیں : ترک صدر ایردوان

انہوں نے کہا کہ جس معاشرے میں خاندان کی اکائی مضبوط نہ ہوگی وہاں پر خواتین اور مرد دونوں ہی کے لیے مستقبل تابناک نہیں ہوگا۔ انہوں نے کہا کہ خواتین کے ساتھ امتیاز نہیں برتا جا نا چاہیے۔

ہمیں خالق کی تخلیق کو ایک ہی نگاہ سے دیکھنے کی ضرورت ہے ۔ ہماری ثقافت میں مرد اور عورت کے درمیان کوئی فرق موجود نہیں ہے۔انہوں نے کہا کہ ترکی کی یونیورسٹیوں میں فرائض سرانجام دینے والے اساتذہ میں سے 44 فیصد سے زاہد خواتین ہیں جبکہ ججز اور پراسیکیوٹرز میں یہ شرح 31 فیصد سفارتکاروں میں 20 فیصد جبکہ ترکی کے کل اساتذہ میں خواتین کی شرح 56 فیصد ہے اور بینکوں میں یہ شرح 51 فیصد کے لگ بھگ ہے۔