نئی دہلی (ملت ٹائمز)
عام انتخابات 2019 میں بی جے پی تاریخ جیت حاصل کررہی ہے اور 345 سیٹوں پر مسلسل سبقت برقرار ہے ۔ بی جے پی کارکنان میں جشن کا ماحول ہے۔ اس درمیان میڈیا ذرائع سے خبریں موصول ہو رہی ہیں کہ 26 مئی کو نریندر مودی دوبارہ پی ایم عہدہ کا حلف لے سکتے ہیں۔ خبروں کے مطابق 17ویں لوک سبھا کے انتخابی نتائج آنے کے بعد وزیراعظم نریندر مودی نے جمعہ کو مرکزی کابینہ کی ایک میٹنگ طلب کی۔
کابینہ کا اجلاس میں نئی حکومت کے قیام کے لئے راستہ ہموار کرنے کے لئے کابینہ کے استعفی کے بارے میں فیصلہ کیا جائے گا۔ نئی حکومت کے قیام کے لئے مسٹر مودی اپنا استعفی صدر رامناتھ کووند کو پیش کریں گے۔ موجودہ لوک سبھا کی میعاد 3 جون کو ختم ہوگی۔ نتائج کو دیکھتے ہوئے، مودی کی قیادت میں نئی حکومت کی تشکیل کی متوقع ہے۔
