نئی دہلی (ملت ٹائمز)
شہریت ترمیمی بل 2019 لوک سبھا سے بہ آسانی پاس ہو گیا۔ اپوزیشن پارٹیوں کی سخت مخالفت کے باوجود مرکزی وزیر داخلہ امت شاہ کے ذریعہ پیش کردہ شہریت ترمیمی بل 2019 کو پاس کرانے میں حکمراں جماعت کو ذرا بھی پریشانی نہیں ہوئی۔ چونکہ لوک سبھا میں تنہا بی جے پی کے ہی 300 سے زائد اراکین ہیں اور بی جے پی کو اپنے اتحادی پارٹیوں کا بھی تعاون حاصل ہوا، اس طرح جب بل کے لیے ووٹنگ ہوئی تو حق میں 311 ووٹ پڑے جب کہ بل کی مخالفت میں محض 80 ووٹ پڑے۔
