اسلام آباد
ملت ٹائمزڈیسک
روشن انڈیا اور ترقی پذیر ہندوستان جیسے دعووں کے درمیان زمینی سطح پر نیپال ،بنگلہ دیش اور پاکستان جیسے ممالک آگے بڑھتے ہوئے دکھائی دے رہے ہیں اور ہندوستان پیچھے کی جانب جارہاہے ۔ پڑوسی ملک پاکستان بھی مسلسل مختلف معاملوں میں ہندوستان پر سبقت حاصل کررہاہے جس کی حالیہ مثال سطح زمین سے بلندی پر اے ٹی ایم نصب کرنے کا معاملہ ہے ۔
پاکستانی میڈیا کے مطابق پاکستان نے بلند ترین مقام خنجراب پاس پر اے ٹی ایم کا افتتاح کرکے ہندوستان کا ریکارڈ توڑ دیاہے ۔تفصیلات کے مطابق خنجراب پاس پر اے ٹی ایم سطح سمندر سے 15ہزار 400فٹ کی بلندی پر ہے جبکہ ہندوستان نے اس سے قبل 12ہزار فٹ کی بلندی پر اے ٹیم ایم نصب کیاتھا۔
