ممبئی کے بھانڈپ واقع ڈریمز مال کے اندر بنے سنرائز ہاسپیٹل میں جمعہ کو علی الصبح آگ لگنے سے دس افراد ہلاک ہو گئے ہیں۔ میڈیا ذرائع سے موصول ہو رہی خبروں کے مطابق تقریباً 60 لوگوں کو بہ حفاظت اسپتال سے باہر نکال لیا گیا ہے۔ شروعاتی خبروں میں بتایا گیا تھا کہ مہلوکین میں سے پانچ مریض تھے جن کا کورونا کا علاج اسپتال میں چل رہا تھا۔ کئی مریض زخمی بھی ہوئے ہیں جنھیں دوسرے اسپتال میں منتقل کیا گیا ہے۔
