یہ اطلاع میٹرو پولیٹن پولیس کمشنر شفیق الاسلام نے دی ہے۔ بی ڈی نیوز۔ 24 آؤٹ لیٹ کی رپورٹ کے مطابق اتوار کی دیر رات ہوئے اس دھماکے کی وجہ گیس کا رساؤ ہوسکتا ہے۔
ڈھاکہ: بنگلہ دیش کے دارالحکومت ڈھاکہ کے موگ بازار علاقے میں دھماکہ ہونے کے بعد ایک عمارت منہدم ہوگئی، جس کے نتیجے میں کم از کم سات افراد ہلاک اور سینکڑوں زخمی ہوگئے۔ یہ اطلاع میٹرو پولیٹن پولیس کمشنر شفیق الاسلام نے دی ہے۔ بی ڈی نیوز۔ 24 آؤٹ لیٹ کی رپورٹ کے مطابق اتوار کی دیر رات ہوئے اس دھماکے کی وجہ گیس کا رساؤ ہوسکتا ہے۔
بی ڈی نیوز۔ 24 نے شفیق الاسلام کے حوالے سے بتایا ہے کہ اس واقعے میں اب تک سات افراد کے فوت ہوجانے کی اطلاع ملی ہے۔ انہوں نے بتایا کہ اس واقعہ میں زخمی ہونے والے افراد عمارت کے رہائشی ہیں جوکہ کم از کم 400 افراد ہیں اس کے علاوہ پیدل چلنے والے اور دو بسوں کے مسافر بھی شامل ہیں۔ اس دھماکے سے دو بسوں کو نقصان پہنچا ہے۔
