امریکی انٹیلی جنس کی نئی رپورٹ میں خدشہ ظاہر کیا گیا ہے کہ طالبان 72 گھنٹوں میں کابل کو گھیر کر الگ تھلگ کرسکتے ہیں۔ اس کے پیش نظر امریکہ نے اپنے سفارتی عملے کو تمام حساس دستاویزات اور اشیا ضائع کرنے کا حکم دیا ہے۔
طالبان نے اپنی پیش قدمی جاری رکھتے ہوئے افغانستان کے دو نئے صوبوں پکتیکا اور میدان وردک پر بھی قبضہ کر لیا ہے۔ اس کے بعد طالبان کے زیر قبضہ صوبائی دار الحکومتوں کی تعداد 02 ہو چکی ہے۔ طالبان اب کابل سے محض 50 کلومیٹر دور رہ گئے ہیں۔ افغانستان کی راجدھانی کابل میں افرا تفری کا ماحول ہے۔ وہاں سفارتخانے بند ہونے لگے ہیں۔
امریکی انٹیلی جنس کی نئی رپورٹ میں خدشہ ظاہر کیا گیا ہے کہ طالبان 72 گھنٹوں میں کابل کو گھیر کر الگ تھلگ کرسکتے ہیں۔ اس کے پیش نظر امریکہ نے اپنے سفارتی عملے کو تمام حساس دستاویزات اور اشیا ضائع کرنے کا حکم دیا ہے۔
مغربی ذرائع ابلاغ میں بتایا جا رہا ہے کہ دارالحکومت کابل طالبان کے کنٹرول میں جانے کے لیے تیار ہے۔ پولیس اہلکار وں کے فرار ہونے سے کابل کے تمام تھانے خالی ہو تے جارہے ہیں۔ ذاتی حفاظت کے لئے فوجی اہلکار اسلحہ بھی اپنے ساتھ لے گئے ہیں۔ کابل پر قبضے کا انحصار طالبان پر ہے کہ وہ دارالحکومت پہنچتے ہیں۔ امکان ہے کہ اگر طالبان حملہ کرتے ہیں تو قبضے کے چند گھنٹے بعد کابل انتظامیہ کو کابل ایئر پورٹ کے ذریعہ کہیں اور منتقل کر دیا جائے گا۔
انٹیلی جنس کی رپورٹ کو پیش نظر رکھتے ہوئے امریکی سفارتی عملے کے انخلا میں تیزی لائی جا رہی ہے۔ امریکی فوجی دستے کابل پہنچ چکے ہیں۔ افغانستان کے حالات کے پیش نظر نیٹو اور برطانوی حکومت کا ہنگامی اجلاس بھی منعقد ہوا۔ نیٹو ممالک وہاں ہر لمحے بدلتی صورت حال پر نظر رکھے ہوئے ہیں۔ اقوام متحدہ نے کہا کہ ہر گھنٹے بعد صورتحال کا جائزہ لیا جا رہا ہے۔
وہیں، ذرائع کے مطابق خبر ہے کہ ملیشیا کمانڈر اسماعیل خان کی خود سپردگی کے بعد طالبان نے انہیں مصالحتی مشن پر کابل بھیج دیا ہے۔ اسی درمیان افغانستان کے نائب صدر امر صالح کے فرار ہونے کی خبریں بھی گردش کر رہی ہیں۔
سی این این کی رپورٹ کے مطابق سفارتی عملے سے کہا گیا ہے کہ ایسے سبھی مواد ضائع کر دیے جائیں جوکہ حساس ہو یا جس کا منفی پروپیگنڈہ کے لئے استعمال کیا جا سکتا ہو۔
