جنیوا(ملت ٹائمزایجنسیاں
اقوام متحدہ نے افغانستان میں مبینہ امریکی حملوں میں کم از کم 28 عام شہریوں کی ہلاکت پر گہری تشویش کا اظہار کیا ہے۔
جرمن خبر رساں ادارے کے مطابق عالمی ادارے کا کہنا ہے کہ یہ ہلاکتیں گزشتہ تین دنوں کے اندر کی جانے والی بمباری اور فضائی حملوں کا نتیجہ ہیں۔ ان حملوں میں امریکی جنگی طیارے طالبان عسکریت پسندوں کو نشانہ بنانے کی کوشش میں تھے۔ اقوام متحدہ کے بیان میں یہ بھی بتایا گیا کہ ہلاک شدگان میں بچے اور عورتیں بھی شامل ہیں۔ اقوام متحدہ کے افغانستان میں متعین خصوصی نمائندے نے اس صورت حال کو ناقابلِ قبول قرار دیتے ہوئے کہا ہے کہ افغان جنگ کے تمام فریق عام شہریوں کی زندگیوں کو ہر ممکن طریقے سے محفوظ بنانے کے لیے اقدامات کریں۔
کچھ حملے یکم ستمبر بھی کئے گئے ہیں جس دن وہاں مسلمان عید الاضحی کا جشن منارہے تھے اور بارگاہ خداوندی میں قربانی پیش کررہے تھے۔
