دوحہ(ملت ٹائمز)
عالمی شہرت یافتہ اسلامی اسکالر اور معروف فقیہ علامہ یوسف القرضاوی کا نام انٹر پول نے اپنی مطلوبہ فہرست سے خارج کردیاہے ۔
معروف چینل الجزیرہ نے عرب آرگنائزیشن برائے حقوق انسانی برطانیہ کے حوالے سے لکھا ہے کہ
انٹر نیشنل پولیس آرگنائزیشن ( انٹرپول) ان پر عائد الزامات کو خارج کرتے ہوئے کہاہے کہ مصر ی حکومت کی جانب سے علامہ قرضاوی کے خلاف عائد سبھی الزامات محض سیاسی تھے ،اس لیے انہوں نے ان کا نام مطلوبہ لوگوں کی فہرست سے ہٹا دیا ہے ۔
واضح رہے کہ مصر نے 2014 میں انٹر پول سے سفارش کی تھی کہ قرضاوی کا نام مطلوبہ لوگوں کی فہرست میں شامل کیا جائے ۔
علامہ یوسف القرضاوی ان دنوں قطر میں جلاوطنی کی زندگی بسر کررہے ہیں ۔
ہی آپ کو بتادیں کہ جون میں سعودی اتحاد اور قطر کے درمیان تنازعات بڑھنے کے بعد سعودی عرب نے بھی اپنی فہرست میں انہیں دہشت گرد قرار دیا تھا ، اور مذاکرت کیلئے ایک اہم شرط ان کی ملک بدری کا مطالبہ تھا۔
