کوالالمپور: (ملت ٹائمز )
اسلامی مبلغ ڈاکٹر ذاکر نائک کی حوالگی کو لے کر ملائیشیا نے بڑا بیان دیا ہے. ملائیشیا نے کہا ہے کہ اگر بھارت نے زور دیا تو اسے ذاکر نائک کو سونپ دیا جائے گا۔
ڈاکٹر ذاکر نائک پر بھارت میں منی لانڈرنگ اور دہشت گردی فنڈنگ صورت میں این آئی اے نے خصوصی عدالت میں چارج شیٹ داخل کی ہے۔
ملائیشیا کے اخباروں میں شائع خبروں کے مطابق، ملک کے نائب وزیر اعظم احمد زاہد حمیدی نے ملک کے ایوان زیریں کو بتایا کہ نائک کی حوالگی کو لے کر بھارت سے ابھی کوئی باقاعدہ درخواست نہیں موصول ہوئی ہے. انہوں نے یہ بھی کہا کہ اگر بھارت کی جانب سے اس طرح کی درخواست نائیک کے سلسلے میں دی جاتی ہے تو نائک کو بھارت کے حوالے کر دیا جائےگا۔. اس کے بعد امید ہے کہ این آئی اے جلد ہی وزارت خارجہ سے ملائیشیا کو نائک کی حوالگی کی درخواست کر سکتی ہے۔
نائب وزیر اعظم احمد زاہد حمیدی نے ساتھ ہی کہا، کہ ‘فی الحال ذاکر کا پاسپورٹ منسوخ نہیں کیا جا سکتا، کیونکہ ذاکر نے ابھی تک ملائیشیا حکومت کے کسی بھی قانون کی خلاف ورزی نہیں کی ہے۔
